Ivy Cortez-Ragos Marks Major Milestone in Content Creation Career

Bilang pasasalamat sa suportang natanggap, ibinahagi ni Ivy Cortez-Ragos ang kanyang pasasalamat sa kanyang mga manonood.

Isang surpresa ang handog ni Ate Ivy sa kanyang lucky follower na kanyang isasama sa isang masayang adventure.

Road to 100K Followers

Kilala si Ate Ivy Cortez-Ragos sa kanyang restaurant at getaway recommendations na perfect para sa mga nais mag-travel ng solo o hindi naman kaya’y lumabas kasama ang pamilya at barkada.

Dahil sa tagumpay ng kanyang mga lifestyle contents, maraming mga brands ang patuloy na bumubuo ng partnership kasama si Ate Ivy upang mas makilala pa ang kanilang mga negosyo.

Sa kanyang Facebook post, ipinahatid ni Ate Ivy ang kanyang pasasalamat sa mga manonood sa patuloy na pagsuporta sa kanyang mga contents.

“Malapit na ko mag 100k followers. Maraming maraming salamat po sa inyo! Dahil sa suporta niyo sa akin, sa pagbibigay ng oras para manood ng reels ko at sa simpleng pag like or react sa mga post ko hindi niyo po alam kung gaano kalaking bagay po iyon sa akin at sa pamilya ko lalo na sa mga anak ko. Sobrang na-a-appreciate ko po… kaya naisip ko po na ibalik naman… hindi man sa lahat ng FOLLOWERS ko pero ma-ishare ko kahit papaano sa ilan na sumusuporta sa content ko,” aniya sa kanyang post.

A Treat From Ate Ivy

Bilang parte ng kanyang selebrasyon, may handog na regalo si Ate Ivy para sa kanyang mapipiling lucky followers.

Ayon kay Ate Ivy, sampu sa kanyang mga followers ang kanyang isasama sa kanyang next food trip kasama ang tatlo sa pamilya o barkada ng kanyang mapipili.

Isang electric fan or rice cooker mula sa Home Along Upper Village San Pedro  at ticket para sa Team Payaman Fair 2026: VIYond The Beat din ang naghihintay para sa kanyang mga mapipili.

Upang sumali, i-comment lang sa kanyang Facebook post ang lugar na iyong tinitirhan at huwag kalimutang i-follow sa kanyang social media pages.