Viy Cortez-Velasquez, Jhon Mark Gon, and Heaven Peralejo Explore Marvin Agustin’s Newest Restaurant

Isang masayang food trip ang hatid ni Viy Cortez-Velasquez kasama sina Jhon Mark Gon at Heaven Peralejo sa bagong restaurant ng aktor na si Marvin Agustin.

Tunghayan ang mga nakakatuwang mga tagpo at kung ano nga ba ang dapat abangan mula sa Mr. Monk Dimsum Roast.

Fun Food Trip

Sa kanyang recently-uploaded mini food vlog, nakasama ng Team Payaman vlogger na si Viy Cortez-Velasquez ang kapwa content creator na si Jhon Mark Gon at aktres na si Heaven Peralejo.

Nagtungo ang kanilang grupo sa Mr. Monk Dimsum Roast ang bagong restaurant na pagmamay-ari ng aktor na si Marvin Agustin sa Eastwood City. 

Ang nasabing restaurant ay nag-aalok ng Chinese cuisine kagaya ng dimsum at Chinese roast.

Personal na pinagsilbihan ni Chef Marvin sina Viviys kung saan pinatikim niya ang ilan sa kanilang mga best-seller dimsums at main dishes.

“Ang bango! Nakakatakam. In fairness talaga, ang sarap magluto ni Sir Marvin,” komento ni Viviys.

Hindi na rin pinalampas ni Viviys na malaman ang mga kaganapan sa loob ng kusina sa tuwing naghahanda ng pagkain si Chef Marvin.

“Sa restaurant mayroon na tayong sukat diyan, dapat consistent. Sa bahay, tikim lang [ako] nang tikim. Kaya bago pa mag-lunch, busog na ako,” biro niya.

Kwento rin ni Chef Marvin, ang kanyang hilig sa pagluluto ang naging dahilan kung bakit siya nagtayo ng sariling negosyo.

“Wow, ‘yung experiment lang ni Sir naging resto na ngayon!” ani Viviys.

Netizens’ Comments

Samantala, marami ang nagpahatid ng kanilang komento matapos mapanood ang mini food vlog ni Viviys.

@justmemahprend: “First time kong makitang kalmado si Viy.”

@patified: “Gawin din sana ni Cong ‘yung mga transition ni Gong HAHAHA.”

@mk: “Totoo yun pg ikaw nagluluto prang busog kana kasi yung amoy din ng pagkain.”

Watch the full video below: