Cong TV Introduces New Editor Oliver Agres in Latest Vlog

Sa pinakabagong vlog ni Cong TV, tampok ang pagdating ng Canadian content creator na si Yassine Nouah kasabay ng pagsabak ng bagong editor nitong si Oliver Agres sa Team Payaman para sa unang assignment nito.

Tunghayan ang kanilang mga kaganapan sa biyahe at pagbisita sa Makati, pati ang kulitan at seryosong usapan ng grupo at ng kanilang foreign guest tungkol sa kultura at content creation.

‘OLIVERSE’

Sa unang bahagi ng vlog, opisyal na ipinakilala ng Team Payaman head na si Cong TV si Oliver Agres bilang bagong editor, kapalit ng dating miyembro ng production team. 

Kasabay nito, agad siyang binigyan ng pagkakataong sumabak sa aktwal na shooting upang masanay sa trabaho bukod sa editing.

Bagama’t may tatlong taong karanasan sa editing, inamin ni Oliver na bago pa siya sa aktwal na pagkuha ng video, kaya’t nakaramdam siya ng kaba sa kanyang unang assignment. 

Dahil dito, personal siyang ginabayan ni Cong sa mga batayang galaw sa pagkuha ng video, mula sa tamang pagtutok ng kamera hanggang sa pagiging alerto sa bawat eksena. 

Hindi rin naiwasan ang ilang nakakatawang sandali, kabilang ang pagsubok kay Oliver na magbiro at ang kanyang pag-amin na hindi pa siya sanay sa ganitong gawain. 

Gayunpaman, naipakita rin ang kanyang personalidad sa pamamagitan ng voiceover segments, kung saan nagbigay siya ng sariling komentaryo kina Cong at Burong.

Sa sumunod na bahagi, makikita ang aktwal na pakikipagkita nila kay Yassine Nouah, isang Canadian content creator na inimbitahan ni Cong matapos niya itong mapanood sa YouTube. 

Sa kanilang pag-iikot sa Makati, nasaksihan ni Yassine ang agarang pagkilala kay Cong ng publiko—isang indikasyon ng lawak ng kanyang impluwensiya bilang content creator. 

Naging daan din ang kanilang interaksyon upang talakayin ang ilang mahahalagang punto, tulad ng epekto ng kasikatan sa personal na oras, at ang kahalagahan ng intensyon sa paggawa ng content, partikular sa mga sitwasyong may kinalaman sa pagtulong sa kapwa.

Sa huli, nauwi sa biruan at tawanan ang malaking restaurant bill na kinabibilangan ni Yassine, kasunod ng patuloy na asaran nina Cong at Oliver tungkol sa editing ng vlog.

Netizens’ Comments

Samantala, umani ng papuri mula sa mga manonood ang bagong editor dahil sa kanyang humor at sa mas malikhaing pag-edit ng vlog.

@kitewashere: “Matalino editor ngayon, ah. Ginawang episodic ‘yung vlogs at may cliffhanger para talaga abangan ng mga viewers ‘yung susunod.”

@janiceVillafuerte-q9z: “Nakaka-proud ka, Intoy. Waray-waray ka pala. God bless, Oliver!”

@zimplezarah09: “Cong TV never fails to create an interesting storyline and content. Galing! Sumabay pa ‘yung bagong editor na parang kampon ni Pinuno. Hahaha!”

@janewendygotico9488: “Wow! Proud Waray-waray here. Mga talented gud talaga it mga taga Leyte!”

@merickjandog3597: “Okay din humor nitong bagong editor ni Cong, ah. Hahaha! Nice one, Ver. Let’s go! Sundan n’yo na agad ‘yung vlog.”

Watch the full vlog below: