Team Payaman’s Genggeng Proudly Flexes Newest Self-Bought Motorcycle

Isang kahanga-hangang tagumpay muli ang ibinahagi ng Team Payaman member na si Genggeng matapos i-flex ang bagong bili na motorsiklo bunga ng sariling pagsisikap.

Self-Bought Motorcycle

Kahit aminadong nagdadalawang-isip siyang ibahagi ito sa publiko, emosyonal na ikinuwento ni Kevin Cancamo,  a.k.a Genggeng, ang pinakabago niyang life milestone.  

“Meron lang akong gustong ishare sa inyo na achievement ko sa buhay ko, sa sarili ko. Ayaw ko sana siya i-share. Kailangan ko pa ba i-share? Pero naisip ko lang, deserve ko naman siguro i-share kasi galing din naman ‘to sa hirap ko,” sambit niya.

Proud na ibinunyag ni Genggeng ang kaniyang second-hand na Yamaha NMAX na motorsiklo na binili para sa sarili at mula sa sariling bulsa.

“Nabili ko ‘to ng second hand kasi ‘yun lang ‘yung kaya ko. Hindi ko pa kaya na brand new,” aniya.

Hindi naman din nakalimutan ng binata na magpa-abot ng pasasalamat sa mga taong naging bahagi upang makamit niya ito. 

“Thank you, Lord. Thank you sa mga taong sumusuporta. Thank you kina Kuya Cocon at Viviys, sa Team Payaman, maraming salamat, kung hindi dahil sa inyo, hindi ako magkakaganito,” galak na pagpapasalamat ni Genngeng.

Ibinahagi rin niya ang excitement sa bagong milestone na minsan lang niyang pinangarap. 

“G, you’re the best. Ang saya ko kasi nakabili ako nito and hindi ko inexpect na makakabili ako nito. Kasama lang siya sa bucketlist ko,” masayang pahayag niya.

Dagdag pa niya, plano niyang i-personalize ang bagong motorsiklo. 

“Ito na ‘yung motor ko. Gusto ko siya paset-up-an, gusto ko ipabago, ‘yung brake lever, repaint ng bearings, lalagyan ko rin ng top box,” kwento niya.

Sa simpleng tagumpay na ito, muling pinatunayan ni Genggeng na ang sipag at tiyaga ay laging may kapalit na magandang bunga. 

Netizens Reactions

Umani rin naman si Genggeng ng samu’t saring mga papuri at paghanga mula sa mga netizens na napukaw ang damdamin sa kaniyang kwento. 

Roselle Sumagysay: “Nice one Geng… Literal na di asa kay Cong TV, pinagpapaguran ang lahat.”

Jeffy Jeff: “Kaya siyang bilhan ni Cong at Viy ng brand new pero mas pinili ni Geng na galing sa pagsisikap nya ang pambili ng gusto nyang bagay… deserve it naman talaga!”

Watch the full video below: