Yiv Cortez Proves Students Can Travel Smart Without Breaking the Budget

Para sa mga estudyanteng may travel goals, hindi kailangang maghintay ng bakasyon o malaking budget upang makagala. 

Sa bagong mini vlog na ibinahagi ni Yiv Cortez ipinakita niya ang mabilis ngunit sulit na pamamasyal sa Poblacion, Makati na puno ng food spots, aesthetic corners, at nightlife na swak sa student budget.

A Quick Escape for Students

Mula Alabang Town Center (ATC), ipinakita ni Yiv ang pwedeng sakyan upang makapunta sa Makati gamit ang Point-To-Point (P2P) bus patungong Greenbelt. 

Isa itong convenient na option dahil hindi na kinakailangan ng maraming sakay. Pagdating sa Greenbelt, mabilis na taxi ride na lang ang kailangan papunta sa Poblacion, Makati.

Budget-Friendly Finds

Isa sa mga pinuntahan ni Yiv ay ang Premier The Samgyupsal, na may presyong ₱688 ang bawat kakain. 

Bagama’t medyo mahal ito para sa isang estudyante, sulit naman ito dahil sa dami ng side dishes at overall experience, perfect para sa barkada bonding.

Isa rin highlights na ipinakita ni Yiv ay ang pagiging ang walkability ng lugar. Sa paligid ng P. Burgos Street, makikita ang sunod-sunod na bars at restaurants.

 

May mga establishments din na may 90s-inspired interiors na bukas para sa mga gustong mag-picture at kadalasan, libre lang ang entrance.

Ipinakita rin ni Yiv ang mga abot-kayang presyong pagkain mula sa Kanto Freestyle Breakfast, kung saan nasa ₱200 hanggang ₱300 lamang ang mga pagkain. 

Para kay Yiv, hindi hadlang ang pagiging estudyante upang makapagpahinga at makagala on a budget.