Hindi na lingid sa ating kaalaman ang mga hamon na kinakaharap ng ating balat araw-araw. Ang nakakapagod na trabaho, ang bagsik ng sikat ng araw dito sa ating bansa, at ang stressful na kapaligiran ay ilan lamang sa mga dahilan kung bakit tila nangungulubot at nawawalan ng glow ang ating kutis.
Sa bagong YouTube vlog ni Doc Alvin Francisco, ibinahagi niya ang mga kaalaman upang tayo’y tulungan na makamit ang younger-looking skin, kahit pa nasa gitna ng ating busy na pamumuhay.
Sa simula ng kanyang vlog, ipinakilala ng resident TP doctor na si Doc Alvin si Juliet, isang karakter na tiyak na makare-relate ang marami sa atin.
Siya’y isang breadwinner na walang humpay ang trabaho at palaging nakababad sa init ng panahon. Tulad ng marami, napansin ni Juliet ang hindi magandang pagbabago sa kanyang balat: lumitaw ang mga wrinkles at fine lines, at tila pagod na pagod ang kanyang itsura.
Kaya naman, handog ni Doc Alvin ang mga napakahalagang tips upang masolusyunan ang mga problemang ito sa balat na karaniwan nating nararanasan.
Ibinahagi ni Doc Alvin ang ilan sa mga nakagawiang gawain ni Juliet na siyang nagdudulot ng paghina ng kanyang balat.
Kabilang dito ang pagpupuyat, walang sapat na proteksyon sa araw, ang hindi paggamit ng sunblock, at ang pagkahilig sa matatamis bilang stress reliever.
“Kung mapapansin ninyo, ‘yung mga hobbies ni Juliet talaga ang nagc-cause kung bakit siya nagiging dull at tumatandang tingnan,” paliwanag ni Doc Alvin.
Hindi rin nakaligtas sa talakayan ang kahalagahan ng sapat na pag-inom ng tubig. Ayon kay Doc Alvin, ang hydrated na balat ay mas matibay at mas resistant sa mga skin damage.
Ayon kay Doc Alvin, ang pagbibilad sa araw, dehydration, kakulangan sa nutrisyon at tulog, at pagkakaroon ng bisyo ang ilan sa mga sanhi ng pagkakaroon ng premature skin aging.
Binigyang-diin naman niya ang mga simple ngunit epektibong paraan upang labanan ang mga ito kagaya ng pagkakaroon ng kumpletong tulog, pag-iwas sa matinding init ng araw, pagkakaroon ng skincare routine, at pagkain ng masustansyang pagkain.
Bilang mahalagang paalala, pinaalalahanan ni Doc Alvin ang lahat na huwag mag-self-medicate kung mayroon silang kondisyon sa balat at laging kumunsulta sa isang mga propesyonal.
Sa huling parte video, ipinakita ang resulta ng pagsunod ni Juliet sa mga healthy tips ni Doc Alvin at kapansin-pansin ang pagbabalik ng natural na glow ng kanyang balat!
Kaya mga Kapitbahay, kung nais ninyong makamit ang malusog at younger-looking skin sa kabila ng ating abalang pamumuhay, huwag palampasin ang pinakabagong video ni Doc Alvin Francisco!
Watch the full vlog below:
Our moms, grandmothers, and even those who serve as mother figures in our lives deserve…
Isa ka rin ba sa mga sumubaybay sa YouTube livestream era ng Team Payaman vlogger…
Matapos ang matagumpay na pilot episode, bumalik ang Team Payaman Wild Dog na si Exekiel…
Isang bagong milestone na naman ang naabot ng Content Creator na si Agassi Ching matapos…
Life’s full of unforgettable events. Milestones such as graduations, birthdays, weddings, anniversaries, must be kept…
As we celebrate Mother’s Day, this is a perfect opportunity to recognize the hardships and…
This website uses cookies.