Anti-Higad Squad Core: Unforgettable AHS Moments That’ll Make You LOL

Isa ka rin ba sa mga sumubaybay sa YouTube livestream era ng Team Payaman vlogger na si Viy Cortez-Velasquez? 

Malamang ay isa ka rin sa mga nakaka-miss sa livestream buddies nito na tinawag na AHS o “Anti-Higad Squad”. Balikan natin ang mga masasayang alaala ng barkadang ito na binubuo ng Team Viviys. 

Birth of AHS

Ang Anti-Higad Squad ay nabuo noong Agosto 2024 matapos dapuan ng higad sina Viviys at ang kanyang secretary na si Pat Pabingwit sa kalagitnaan ng kanilang pamimili sa isang convenience store. 

Matapos ang insidenteng ito ay pursigido ang grupo maging ‘Anti-Higad’ sa pamamagitan ng pagsusuot ng matching turtle-neck tops at iba pang long-sleeve gears.

Meme-filled Trip & Challenges

Mula dito at sa demand ng mga manonood, itinuloy na ng Team Viviys ang kanilang livestream sessions laman ang samu’t saring trip ng grupo sa labas at loob ng bahay. 

Isa na nga dito ay ang kanilang early Halloween night out habang suot ang mga inflatable costumes na may iba’t ibang disenyo.

Maalala rin ang pagbisita ng grupo sa hometown ng ama ni Viviys noong kasagsagan ng Kamuy-an Festival at tinawag nila itong ‘AHS Bicol Chapter’.

Isa rin sa ikinatuwa ng mga netizens ay ang mga chill sit-down livestream ng AHS sa bahay kung saan sila ay nanonood lang at nagre-react sa mga old YouTube videos ng Team Payaman. 

Dito rin isinilang ang kanilang mga interactive challenges kagaya ng laughtrip na ‘Bawal tumawa challenge,’ kung saan naglaban-laban ang mga supporters na patawanin ang AHS Squad sa pamamagitan ng pagpapadala ng mga memes para sa libreng Team Payaman Fair 2024 tickets. 

Sa halos apat na buwan ng livestream bonding adventure ng AHS, nabuo ang iba’t ibang klase ng relasyon gaya na lang ng sibling core nina Viviys at ng kaniyang editor na si Carlo Santos at syempre ang #PatAga loveteam.

#PatAga Love Team

Maliban sa mga meme-able content, isa sa pinaka-tumatak sa mga netizens ay ang kilig na hatid ng tambalang #PatAga na kinabibilangan nina Pat at TP Editor na si Agabus Maza.  

End of an Era

Nitong nakaraang buwan lamang, magkasunod na ibinahagi nina Pat at Agabus ang kanilang despedida party kasama ang Team Payaman Squad bago sila tumahak ng panibagong landas ng kanilang mga buhay. 

Ano ang iyong paboritong Team AHS moment? Ibahagi na ‘yan sa comment section mga Kapitbahay!