Matapos ang matagumpay na pilot episode, bumalik ang Team Payaman Wild Dog na si Exekiel Christian Gaspar, a.k.a “Boss Keng” para sa ikalawang yugto ng kanyang bagong serye na pinamagatang “Cash Flow”.
Sa bago nitong episode, sinubukan ng kapwa niya Team Payaman member na si Marlon Velasquez Jr., a.k.a “Junnie Boy” ang kapalaran para sa tsansang mai-uwi ang tumataginting na isang milyong piso.
Matapos mabigo sa unang pagsali sa kabilang game show, sumali si Junnie Boy sa Cash Flow para muling subukan ang kanyang kapalaran.
Sa pre-interview na ipinakita sa VTR, inilahad ni Junnie Boy ang kanyang dahilan kung bakit siya sumali sa nasabing game show.
Biro ni Junnie Boy, dati siyang “pariwara” bilang ama, at ngayon ay nadagdagan pa ito dahil naging “pariwarang asawa” na rin siya.
Bilang host, detalyado ring ipinaliwanag ni Boss Keng ang mechanics ng laro. Sampung tanong ang kinakailangang sagutin ng tama upang makuha ang grand prize.
Kada tamang sagot sa unang walong tanong ay katumbas ng limang daang piso. Ang ika-siyam na tanong ay may halagang limang libong piso, habang ang huling tanong naman ay nagkakahalaga ng isang milyong piso.
Ngunit kung magkamali ang contestant, lahat ng napanalunan ay babawiin. Bukod pa rito, may opsyong “atras o abante” kada ikatlong tanong.
Ang mga tanong na inihanda ni Boss Keng ay hindi naging madali para kay Junnie Boy. Sa unang tanong pa lang tungkol sa pagsisimula ng World War I, tila nahirapan na si Junnie Boy.
Sa halip na isang simpleng sagot, naghatid siya ng isang mahabang leksyon na nagbanggit ng mga pangalan tulad nina Napoleon Bonaparte at Julius Caesar, kahit parehong wala angmga ito sa timeline ng World War I.
Sa huli, buong kumpiyansa niyang pinili ang 1905 bilang final answer. Ngunit ayon kay Boss Keng, ang tamang sagot dito ay 1914.
Sa kabila ng pagkatalo, pinilit ni Junnie Boy ipaliwanag ang kanyang sagot sa paraang siya lang ang may kayang gawin.
Gayunman, kahit mali ang sagot, todo suporta pa rin si Boss Keng sa kanyang kaibigan. Sa dulo ng show, matapos ibalita na mali ang sagot ni Junnie, sabay nilang binalikan ang “kwento” ni Napoleon at kung paanong ito raw ay naging dahilan ng digmaan.
Samantala, patuloy na umani ng views at positive reactions ang “Cash Flow” series ni Boss Keng sa kanyang YouTube channel.
@NJDJ2: “Nakakamiss talaga ang Cash Flow series ni Boss Keng! Great game show!”
@jhapchavez6297: “Mas matagal pa introduction kesa sa Q and A.”
@KarenAG-ub7fd: “Ang galing ng game show mo Boss Keng! Kaaliw!”
@chricelledeanneencio4922: “Sinearch ko pa lahat ng mga date na sinasabi ni Junnie kung totoo. Paniwalang paniwala ako. Mula kay Napoleon at Julius Ceasar.”
Watch the full vlog below:
Isinama ni Vien Iligan-Velasquez ang mga manonood sa Tanay trip ng kanilang pamilya sa kanyang…
Isang masaya at hindi malilimutang offroad adventure ang hatid nina Ninong Ry, Cong TV, at…
Isang masayang balita ang hatid ng mag-asawang Kevin Hermosada at Abigail Campanano-Hermosada sa kanilang mga…
Nagsanib-pwersa ang Team Payaman cook na si Dudut Lang at aktor na si David Licauco…
Hindi matatawarang mga reaksyon mula sa kanyang mga Tito at Tita ang natanggap ni Ulap…
Many people continue to look for effective ways to manage common underarm concerns such as…
This website uses cookies.