Dahil nahihilig ngayon sa pagmomotorsiklo ang Team Payaman boys, hindi nagpahuli si Jaime de Guzman, a.k.a Dudut Lang, sa pagbili ng bagong motor.
Matatandaang minsan ng naaksidente sa pagmomotorsiklo si Dudut, ngunit hindi naging hadlang ito upang itigil ang kanyang pagmamaneho.
Sa kanyang bagong vlog, ibinahagi ni Dudut ang mga sandali bago tuluyang makuha ang bagong biling motorsiklo.
“Excited ako sobra! Ngayon kasi dating ng motor ko ‘eh!” bungad nito.
Agad itong naglibot sa Congpound upang ihatid ang magandang balita sa kanyang mga kasamahan. Una na nitong ibinalita kay Cong TV ang pagdating ng kanyang bagong motorsiklo.
“Ngayon pa lang tatanungin na kita. Ikaw, maganda motor mo, ‘pag nakuha ko na ang motor ko, ano ka? Kakampi o kalaban?” tanong ni Dudut.
Sagot naman ni Cong: “Kakampi!”
Ibinahagi rin ni Dudut na kakaibang klase ng motor ang hinihintay nito na talaga namang makakapagpakilabot sa kanyang mga kasamahan.
Sunod naman nitong inusisa ang magiging reaksyon ni Boss Keng.
“Bumili kasi ako ng motor. Ngayon, tatanungin lang kita. Kalaban ka ba o kakampi?” tanong ni Dudut.
Ayon naman kay Boss Keng, “Kakampi ako, ano ka ba?”
Gaya nina Boss Keng, nanatiling kakampi rin ni Dudut sina Mentos at Burong sa kanyang pagbili ng bagong motor.
Ngunit nagkaroon ng isang maliit na suliranin si Dudut dahil hindi pa nito nakukuha ang matamis na “oo” at permiso ng nobyang si Clouie Dims.
Hindi naman pinabayaan ni Burong ang kaibigan at ibinahagi ang ilang tips kung paano nito napapayag ang fiance na si Aki Angulo sa pagbili ng motor.
“Naging mabuting tao muna ako. Naglilinis ako dito, ‘pag may utos sa akin ginagawa ko agad!” kwento nito.
Matapos ang pagpasa ng balita, oras na para personal na makita ni Dudut ang kanyang bagong motorsiklo.
“‘Eh pamatay lamok na ‘to eh! Panis ang gold wing dito par!” biro ni Mentos.
Ikinatuwa rin ng ibang miyembro ng Team Payaman ang bagong biling motorsiklo ni Dudut.
“Akala ko makakasama ka na [sa ride]. Eh pre, kahit sa subdivision, bawal ‘yan eh! Kahit dito ka umikot sa subdivision, mahuhuli ka. Tsaka mainit s’ya sa mata. Nag-iinit na yung mata ko,” biro ni Cong.
At syempre, ipinakita na rin ni Dudut ang bagong motor kay Clouie. Halakhak naman ang isinalubong ni Clouie sa nobyo nang makita nito ang bagong Honda Dio ZX 60 ni Dudut na binasagan nyang “The Incredible Hoik.”
“Sabi mo big bike?” tanong ni Clouie.
Watch the full vlog below:
For the first time this year, Team Payaman’s Cong TV’s very own clothing line, Cong…
Sa pinakabagong vlog ng Team Payaman member na si Exekiel Christian Gaspar, a.k.a Boss Keng,…
The VIYLine MSME Caravan is a great opportunity for local business owners to show their…
Matapos ang matagal na paghihintay, masayang ibinahagi ng Team Payaman power couple na sina Viy…
Sa bagong vlog ng social media star at aktres na si Alex Gonzaga-Morada, handog niya…
Let’s be real—summer fashion is a balancing act. You want to look cute, but you…
This website uses cookies.