Matapos ang higit na apat na taong paninilbihan sa buong Team Payaman, partikular kina Cong TV at Viy Cortez, kinailangan nang magpaalam ng kanilang ever-trusted kasambahay na si Mamita.
Sa kanyang latest vlog, binahagi ng 30-anyos na YouTube star ang ginawa nilang espesyal na “farewell presentation” para kay Mamita.
Samahan nyo kami sa VIYLine Media Group at sabay-sabay tayong maiyak sa nakakaantig na pamamaalam na ito.
March 2019 nang mamasukan si Mamita bilang kasambahay sa Team Payaman. Ang grupo ay nakatira pa noon sa tinatawag nilang “Chongdo” o condominium unit sa Quezon City.
Bagamat sikat na si Cong ng mga panahong iyon ay matatandaang hindi siya kilala ni Mamita noong una silang nagkita.
Bilang parte ng Team Payaman household, hindi maiiwasang mahagip si Mamita ng camera at mapasama na rin sa mga YouTube vlogs nina Viy Cortez at Cong TV.
Sa paglipat ng grupo sa tinaguriang Payamansion ay kasama pa rin nila si Mami. Noong kasagsagan ng pandemya ay mas nakilala ng mga manonood si Mamita matapos tila magkaroon sila ng “love team” ng driver-turned-Team Payaman content creator na si Michael Magnata, a.k.a Mentos.
Dahil sa kanilang madalas na “L.Q” ay naging tampulan ng tukso ang dalawa sa bahay, at dito na nabuo ang “Mementos.”
Sa kabila ng aktingan, inamin noon ni Cong na inaabutan nya ng “tip” si Mamita sa tuwing lalabas ito sa kanyang mga vlogs.
Sa nasabing vlog, ibinahagi ni Cong ang naisip nyang paraan para pasalamatan si Mamita sa huling pagkakataon.
Kinakailangan umalis ng butihing kasambahay dahil nagkaka-edad na rin ito at kailangan ng magpahinga.
Naging emosyonal naman si Cong TV sa pamamaalam kay Mamita at inaming nanghihinayang ito dahil hindi manlang nya masisilayan ang panganay nila ni Viy.
“Mi, maraming maraming salamat sa apat na taon mong serbisyo sa amin ni Viviys,” ani Cong.
“Gusto lang namin Mi na magpasalamat ni Viy sa apat na taon na pag aalaga mo samin. Sayang lang hindi mo inabutan si Kidlat, pero magpapadala kami ng pictures nya sayo,” dagdag pa nito.
Dagdag pa ni Cong, si Mamita ang pinakatapat at masipag na kasambahay na naging katuwang nila sa bahay.
Hindi naman napigilan ng iba pang Team Payaman members na maiyak sa moment nila Cong at Mamita.
Bilang pasasalamat, hinandugan ni Cong at ng buong Team Payaman ng awitin si Mamita.
At ang talaga namang nagpaiyak sa lahat ay ang plot twist sa dulo ng video kung saan dineklara ni Cong na lahat ng kikitain ng nasabing vlog ay mapupunta kay Mamita.
Sa video na ito, pinatunayan lang ni Cong TV na ang kasambahay at dapat tinuturing ding parte ng pamilya.
Sa comment section, bumuhos naman ang pasasalamat ng milyun-milyong subscribers ni Cong TV para kay Mamita.
Watch the heartwarming farewell vlog below:
The Viyline Group of Companies (VGC) is officially ready for a huge 2026. In a…
Kamakailan, opisyal nang inilabas ng singer-songwriter at content creator na si Kevin Hermosada ang kanyang…
Isang masaya at hindi malilimutang Ocean Park Hong Kong experience ang hatid ni Pat Velasquez-Gaspar.…
Muling nagbahagi ng isang simple ngunit makabagong recipe ang Team Payaman cook na si Jaime…
Mula sa pagiging kasamahan sa trabaho, ngayon ay magkakasama na sa iisang tirahan ang ilang…
Matapos ang unang yugto ng content wars nina Junnie Boy at Boss Keng, isang plano…
This website uses cookies.