Pinuno and Kuya Inday’s ‘Balang Araw’ Single Debuts on Wish Bus 107.5

Isang bagong yugto sa musical journey ang pagsabak nina Pinuno at Kuya Inday sa iconic Wish Bus 107.5 para sa debut performance ng kanilang pinakabagong single na pinamagatang “Balang Araw.” 

Ginanap ang kanilang pinakaunang roadshow performance sa Vista Mall Taguig noong Oktubre 7, 2026.

Balang Araw on Wish Bus 107.5

Sa pamamagitan ng espesyal na pagtatanghal, nabigyan ng pagkakataon sina Gemmar Sol, a.k.a Kuya Inday, at Elijah Borreros, a.k.a Pinuno, kasama ang kanilang banda na ipakilala ang kanilang awitin sa mas malawak na audience at maibahagi ang kanilang musika sa mga tagapakinig ng OPM.

“Eto ang pinakamagandang blessing sa buhay ko at pinakamagandang regalo sa darating na birthday ko! Pawer!,” ani Kuya Inday sa kanyang post. 

Kilala ang Wish 107.5 sa pagbibigay ng plataporma sa mga mang-aawit at musikero upang maipamalas ang kanilang talento sa pamamagitan ng Wish Bus Roadshow performances, na napapanood din online. 

Ayon sa opisyal na website ng istasyon, layunin nitong bigyang-pansin ang mga musikero at maihatid ang kanilang mga pagtatanghal sa mas maraming tao.

Proud TP Members

Hindi naman maitago ng kapwa Team Payaman members ang kanilang pagka proud at suporta para sa rising artist nila na si Kuya Inday.

“Wow. Ang galing! Congrats!” pahayag ni Viviys sa kanyang video reels. 

“Yown! #Pinuday nambawan,” komento ni Kevin Hufana.

“Tinapos na ang laban,” ani Angel Amaqui. 

“Magkano sa akin dito?” birong komento naman ng manager ni Kuya Inday na si Cong TV.

Abangan ang YouTube release ng kanilang full Wish Bus performance ng “Balang Araw” at patuloy na suportahan ang mga local artist na nagbibigay-buhay sa patuloy na pag-usbong ng Original Pilipino Music.

“Balang Araw” is also available to stream on all streaming platforms. Stream and support now, mga kapitbahay!