Mula sa food trip hanggang sa mga hindi inaasahang pangyayari, naghatid sina Cong TV at Aaron Oribe ng mga nakakaaliw na tagpo sa kanilang pagbisita sa Hard Rock Cafe Clark.
Tunghayan kung paano nauwi ang kanilang masayang bonding sa isang nakatutuwang pagsubok sa pagkakaibigan sa bagong mini vlog ni Cong TV.
Sa simula ng mini vlog, ipinakilala ni Cong TV ang sarili bilang isang YouTuber mula sa Pilipinas at isang “rising global influencer.” Kasama ang kanyang kaibigan na si Aaron Oribe, ipinakita niya ang ilan sa mga tampok ng Hard Rock Cafe Clark sa Pampanga, kabilang ang iba’t ibang pagkain, live entertainment, at ang Rock Shop sa loob ng nasabing cafe.
Sa kalagitnaan ng kanilang pagkain, pansamantalang iniwan ni Cong ang kaibigan upang maglibot sa loob ng Rock Shop. Sa kanyang paglilibot, nakasalubong ni Cong ang kaibigan niyang si Burong at nauwi sa mahabang kwentuhan ang dalawa.
Dahil dito, hindi na niya agad nabalikan si Aaron, na naiwan sa kanilang mesa at kalaunan ay nagbayad pa ng kanilang bill nang magsara ang cafe.
Nang magkita muli ang dalawa, hindi napigilan ni Aaron na tawagin si Cong na isang “global scammer” matapos siyang maiwang magbayad ng kanilang bill.
Gayunpaman, mabilis ding natuldukan ang kanilang tampuhan nang ibigay ni Cong ang isang Hard Rock Cafe Hoodie Bear na binili niya para sa anak ni Aaron.
Sa pagtatapos ng mini vlog, ibinahagi rin ang ilang throwback moments ng dalawa, kabilang ang kanilang mga naging bonding sa pagmomotor, paglalaro ng video games, at maging ang kanilang unang pagkikita sa isang LRT station.
Samantala, nagpahayag ng kasiyahan ang maraming netizens sa muling pagsasama nina Cong TV at Aaron, habang nagbahagi rin ang ilan ng kanilang reaksyon sa mga nakakaaliw na tagpo sa vlog.
@ravisxge: “Ready na talaga mag Canada si Aaron.”
@riosnts90: “Naiyak ako sa part ng video kung paano sila unang nagkita sa LRT station.”
@chrix21_: “Muntik ko na maibuga ‘yung tubig sa bibig ko dahil sa slang word ni Cong.”
@princessjpascua2: “So nice to see Aaron again with Cong TV.”
@mhaweww: “Namiss ka namin, Aaron!”
Watch the full vlog below:
Matapos ang walang tigil na paghiling sa kanilang mga magulang, tinupad na nina Daddy Keng…
Sa pinakabagong upload ni Burong, tampok ang masayang bonding nila kasama ang kanyang asawang si…
In observance of Suicide Prevention Month, communities worldwide are working to break the stigma surrounding…
Isang masaya at kwelang cooking vlog ang hatid ng Team Payaman cook na si Dudut…
Team Payaman’s Vien Iligan-Velasquez joins the last leg of Kiko Milano’s Gloss To-Go Cafe Tour.…
May hatid na tip ang Team Payaman mom na si Pat Velasquez-Gaspar para sa kanyang…
This website uses cookies.