Yiv Cortez Marks a Special Milestone in Her Psychology Journey

Masayang ibinahagi ni Yiv Cortez, nakababatang kapatid ni Viy Cortez-Velasquez, ang isang mahalagang milestone sa kanyang pag-aaral matapos ang kanyang pinning ceremony bilang Psychology student.

Celebrating a Journey

Naging espesyal din ang nasabing kaganapan dahil present sa seremonya ang kanyang ama na si Rolando Bañaria Cortez, o mas kilala ng kanilang pamilya at mga tagasubaybay bilang Papa Wow. 

Sa mga larawang ibinahagi ni Yiv, makikita ang kaniyang pamilya na patuloy na nagbibigay ng suporta sa kanyang journey bilang isang estudyante.

Para kay Yiv, higit pa sa isang academic milestone ang pagtatapos ng kursong Psychology. Isa rin itong personal na pangarap na nais niyang tuparin hindi lamang para sa kanyang sarili kundi maging para sa kanyang ate na si Viy.

Love and Support

Sa mga nauna niyang panayam, ibinahagi ni Yiv na naging inspirasyon niya ang kanyang kapatid sa pagpili ng Psychology bilang kanilang kurso. Dahil dito, naging personal niyang layunin na ipagpatuloy at tapusin ang kursong minsan ding pinangarap at sinimulan ni Viy.

Samantala, naging emosyonal naman ang mensahe ni Viy para sa kanyang bunsong kapatid na ibinahagi niya sa isang social media post.

“I love you so much! So proud of everything you’ve achieved and everything that’s still ahead of you.”

Sa kabila ng kaniyang abalang schedule, sinisikap ni Viy na maging present sa mahahalagang kaganapan ng kaniyang pamilya. Patuloy din niyang ipinaparamdam kay Yiv ang kanyang suporta sa mga susunod pa nitong hakbang sa pag-aaral at sa pagtupad ng iba pa nitong mga pangarap.