Mommy Vien Iligan-Velasquez Shares Family Moments at Tiny Buds Kids x Kidlat Launch

“Hindi lang pangbaby, pwede rin sa feeling baby” 

Ipinasilip ni Mommy Vien sa recent video upload ang mga tagpo sa Tiny Buds Kids x Kidlat Hair Collection Launch Event experience ng Iligan-Velasquez Family. 

Vien x Tiny Buds

Hindi nagpahuli ang Team Iligan-Velasquez sa pagpapakita ng suporta kay Kuya Kidlat para sa kolaborasyon nito sa Tiny Buds.

Tampok sa video ni Mommy Vien kung paano nag-enjoy ang mga anak na sina Von Maverick, a.k.a Mavi, at Alona Viela sa mga aktibidad sa Kidzooona, SM Muntinlupa, kung saan ginanap ang event. 

Nagbigay rin siya ng review kasama ang asawang si Marlon Velasquez Jr., a.k.a Junnie Boy, sa mga pinakabagong produkto mula sa Tiny Buds Kids x Kidlat Hair Care collection na Shampoo, Conditioner, at Hair Perfume & Detangler. 

“Ang bango! Amoy Baby! Perfect ito,” pahayag ni Mommy Vien. 

Certified Tiny Buds Kids!

Sa isang exclusive interview naman ng Viyline Media Group (VMG) Team, ibinahagi rin ni Mommy Vien at Daddy Junnie na simula newborn pa lamang ang kanilang mga anak ay Tiny Buds products na ang ginagamit nila. 

“Actually, lahat ng products nila, from Tiny Buds talaga before. So ngayon, excited na ako ma-try yung kay Kidlat,” pahayag ni Mommy Vien sa VMG Team. 

Binigyang-diin ni Mommy Vien ang kahalagahan ng pagsasaliksik at pagsubok ng angkop na produkto para sa mga anak upang masiguradong ligtas ito. 

“Kailangan mild talaga yung ilalagay nating products sa ating mga baby, tapos hindi masyadong makemikal dahil syempre hindi natin alam kung anong epekto noon sa mga anak natin,” paalala ni Mommy Vien. 

“Iba-ibang bata, iba-ibang hiyangan ‘yan,” dagdag pa ni Daddy Junnie.