Isang computer setup makeover at masayang gaming session ang tampok sa pinakabagong vlog ng Team Payaman dad na si Junnie Boy.
Bukod sa pagbibigay ng bagong ayos sa kanilang computer area, naghatid din ng aliw sa mga manonood ang ilang nakakatawang eksena sa kanilang paglalaro.
Sa simula ng vlog, napansin ni Junnie ang magulong ayos ng kanilang computer area kaya ibinahagi niya ang plano niya para sa bagong layout ng mga computer at monitor sa pamamagitan ng isang floor plan.
Kasama sina Bok at iba pang kasama sa bahay, nagtulungan silang maglipat ng mga kagamitan at mag-set up ng bagong workstation.
Kabilang dito ang isang mesa na pansamantalang kinuha mula sa silid nila ni Vien upang makatulong sa bagong layout ng kanilang computer area.
Sa kanilang usapan, ibinahagi rin ni Junnie na nais niyang magamit ng anak na si Mavi ang computer sa mga aktibidad na makatutulong sa paghasa ng isip at pagpapakita ng kanyang pagkamalikhain, kabilang ang paggawa ng art.
“Doon lang tayo sa mae-enhance ‘yung utak niya. Mga art, ganun,” ani Junnie.
Matapos ang setup makeover, nagkaroon din ng gaming session ang grupo sa larong ‘Meccha Chameleon,’ isang multiplayer hide-and-seek game kung saan kailangang magtago ang mga manlalaro sa pamamagitan ng pag-angkop ng kanilang kulay at disenyo sa kapaligiran.
Sa kanilang paglalaro, nagkaroon ng ilang nakakatawang eksena habang hinahanap ng mga kalahok ang isa’t isa sa loob ng virtual map. Isa sa mga ito ang paghahanap nila kay Mavi, na nagtago sa ilalim ng kama bago siya tuluyang makita ng grupo.
Samantala, umani naman ng positibong komento ang vlog, kung saan nagpahayag ang ilang manonood ng interes na makakita pa ng gaming content kasama si Mavi at ang iba pang miyembro ng Team Payaman.
@gomezmarklouie1260: “Petition, buong [Team Payaman] Wild Dogs maglaro nito. Masayang content ‘to.”
@DeeeJay07: “May potential si Mavi. Mga ganitong laruan muna [ang] okay sa kanya. Buti na lang nagkaroon ng Meccha Chameleon.”
@vvvvvvvvjel: “Wahh! Sobrang cute ni Mavi!!! More vlogs with Mavi. Huhuhu.”
Watch the full vlog below:
Masayang ibinahagi ni Yiv Cortez, nakababatang kapatid ni Viy Cortez-Velasquez, ang isang mahalagang milestone sa…
Looking for a quick way to add color to your everyday makeup routine? Team Payaman’s…
Tampo mode on si Cong TV sa mga kapwa Team Payaman members na sina Junnie…
Muling naghatid ng good-vibes sa netizens ang Team Payaman momma na si Viy Cortez-Velasquez matapos…
Magtagumpay kaya ang tambalang Dudut-Boss Keng matapos nilang hamunin ang ilang pickleball players sa isang…
Since it’s almost the BER months, there’s no better way to welcome the holiday season…
This website uses cookies.