Yiv Cortez Shares Honest Food Reviews at Fusion Alley

Fusion Alley, ano tara?! Isang food adventure ang ibinahagi ng content creator na si Yiv Cortez habang sinusubukan niya ang iba’t ibang pagkain sa sikat na food destination sa Sampaloc, Manila.

Tunghayan ang naging food trip experience ni Yiv at ang kaniyang mga naging obserbasyon sa iba’t ibang pagkain at sa pangkalahatang kalagayan ng Fusion Alley.

Fusion Alley, Ano Tara?!

Kamakailan, ibinahagi ng Team Payaman next-gen vlogger na si Yiv Cortez ang kaniyang pagbisita sa Fusion Alley sa Sampaloc, Manila, na kilala bilang isa sa mga patok na food destinations malapit sa mga unibersidad sa lungsod.

Sa simula ng kaniyang vlog, ipinakita muna ni Yiv ang kaniyang pagdaan sa National Museum bago magtungo sa Fusion Alley. Pagdating sa nasabing food spot, sunod-sunod niyang sinubukan ang iba’t ibang pagkain at inumin mula sa mga food stalls sa lugar.

Kabilang sa mga una niyang natikman ang Sugarcane drink na may calamansi flavor, na binigyan niya ng mataas na rating dahil sa lasa at sulit na presyo.

Kasunod nito, sinubukan din ni Yiv ang Dried Pusit, Ilocos Empanada, at ilan pang street food items, kung saan nagbigay siya ng kani-kaniyang obserbasyon tungkol sa lasa at kalidad ng bawat pagkain.

Bukod sa pagbabahagi ng kaniyang food reviews, napansin din ni Yiv ang kalat sa paligid ng Fusion Alley. Ayon sa kaniya, mahalagang maging responsable ang mga bumibisita upang mapanatiling maayos at malinis ang lugar para sa lahat.

“Overall, nagulat lang ako kasi maraming kalat sa kalsada. So, sana disiplinahin natin ang ating sarili,” ani Yiv.

Sa kabila nito, ipinakita ni Yiv ang patuloy na pagdagsa ng mga tao sa Fusion Alley, na nananatiling popular na puntahan para sa iba’t ibang uri ng street food at budget-friendly na pagkain.

Watch the full vlog below: