Patunay na hindi biro ang buhay ng isang ina matapos humarap sa isang nakakaaliw ngunit mapanghamong misyon ang aktres at content creator na si Bea Borres.
Sa kanyang pinakabagong vlog, sumabak siya bilang “Yaya for a Day” sa Team Payaman chikitings na sina Kuya Kidlat at Baby Tokyo.
Sa kanyang super-fun journey, ipinasilip ni Bea ang hirap at saya ng pag-aalaga sa dalawang anak nina Cong TV at Viviys na may magkaibang personalidad.
Sa simula pa lang ng video, agad na nasubukan ang pasensya at diskarte ni Bea nang harapin si Kidlat. Matapos kasi itong pabirong ipakilala ni Mommy Viy bilang kanyang “new mom,” naging emosyonal ang bata at tumangging humiwalay sa kanyang ina.
Dahil dito, agad na nagpalit-diskarte si Bea. Mula sa pagiging new mom, nagpasiya siyang maging Yaya o playmate na lamang upang makuha ang loob ng bata.
“Hindi ako nagbe-beg sa lalaki. Ikaw lang ‘yung lalaking hinabol ko nang ganito!” pabirong hirit ni Bea habang sinusubukang amuin si Kidlat.
Sa kabilang banda, naging mas magaan naman ang gampanin ni Bea kay Baby Tokyo. Kabaligtaran ng kanyang kuya, naging napakahinahon at kalmado ng bunso kaya naman mabilis na nakuha ni Bea ang magaan nitong loob.
Habang mahimbing na natutulog ang mga bata, nagkaroon ng pagkakataon si Bea na masilip ang walk-in closet ng pamilya. Dito ibinahagi ni Viy ang kanilang praktikal na diskarte sa pag-aayos ng bahay.
Ayon kay Viy, sa halip na gawing hiwalay na kwarto ng mga bata ang espasyo, mas pinili muna nila itong gawing walk-in closet. Sa ngayon kasi ay mas gusto muna ng mag-asawa na katabi sa pagtulog ang mga anak.
Bukod sa house tour, ibinahagi rin ni Viy ang nakaka-inspire na kwento sa likod ng kanilang pinaghirapang tahanan.
Ayon sa kanya, umabot ng halos isang dekada ang proseso ng pag-iipon at pagpaplano nilang mag-asawa bago naitayo ang kanilang dream home.
Binigyang-diin ni Viviys na bago sila nag-invest sa sarili nilang bahay, inuna muna nilang mag-asawa na tulungan at ibili ng mga ari-arian ang kani-kanilang mga magulang at pamilya.
Upang tuluyang makuha ang loob ni Kidlat, isinama siya nina Viy at Bea sa mall upang maglaro sa arcade at mamili ng mga paborito nitong laruan, tulad ng Spiderman.
Dito na tuluyang lumambot ang loob ng panganay nina Mommy Viy at Daddy Cong. Matapos magtulungan sa mga laro at manalo ng mga ticket prizes, naging magkasundo rin ang dalawa.
Natapos ang vlog sa isang matamis na yakap at high-five mula kay Kidlat bilang tanda na aprubado na si Bea as his new friend!
Watch the full vlog below:
Kasunod ng mga matagumpay nitong mga aktibidad, muling nagbabalik ang TP Kids upang maghatid…
As Pickleball continues to gain momentum as one of the fastest-rising sports in the Philippines,…
Nilinaw ng Team Payaman vlogger na si Vien Iligan-Velasquez ang kalagayan ng kalusugan ng asawang…
Kasunod ng muling paglabas ni Kuya Inday sa Team Payaman, tampok siya sa pinakabagong vlog…
Isang ‘TV’ prank ang hatid ni Cong TV sa asawa niyang si Viy Cortez-Velasquez na…
Isang bagong yugto sa pickleball journey ni Boss Keng ang nasaksihan ng kanyang mga manonood…
This website uses cookies.