Cong TV Grants Pat Velasquez-Gaspar’s Birthday Wish for a Pickleball Match

Para sa kaarawan ni Pat Velasquez-Gaspar, isang simpleng hiling ang tinupad ng kanyang kuya na si Cong TV.

Silipin ang mga tagpo sa first Pickleball duo experience nina Pat at Cong bilang parte ng kanyang selebrasyon.

A Gift for Pat

Sa kanyang bagong vlog, ipinasilip ng Team Payaman vlogger na si Pat Velasquez-Gaspar ang kanyang plano para sa kanyang kaarawan.

Aniya, isa sa kanyang mga hiling ngayong taon ay ang makalaro ang kanyang panganay na kapatid na si Lincoln Velasquez, a.k.a Cong TV.

“Pwede bang maglambing? Pwede ba kita maging pickleball partner?” tanong ni Pat sa kanyang kuya.

Sagot naman ng kanyang Kuya Cong, “Sige pa-birthday ko na sa’yo. Pwede ako [pero] hindi ako marunong ah! Oh happy birthday, kiss mo si Kuya.” 

Lingid sa kaalaman ni Cong na Pickleball Tournament pala ang kanyang sasalihan kasama si Pat.

Sa kabila nito, nanatali pa ring handa si Cong pagdating sa kanyang mga kagamitan kagaya ng paddle.

“Okay pala ayain ‘to oh. May sarili siyang paddle!” biro ni Pat.

Nang magtungo na sila sa court, agad na nag-ensayo sina Pat at Cong at agad na sumalang sa paglalaro.

Sa huli, laking tuwa ng dalawa nang maipanalo nila ang kanilang huling laro.

“Thank you, Kuya!” pasasalamat ni Pat sa kapatid.

Touching Comments

Samantala, marami ang naantig at kinilig matapos tuparin ni Cong ang hiling ng kanyang bunsong kapatid.

@Jccontem: “Oh kiss mo si kuya” hayyy!! Namiss ko ang kuya ko, kakawala niya lang nung December 21, tapos bunso pa ko pareho tayo ate Pat. Grabe nakakataba ng puso”

@berlsgatuski: “Naiyak ako sa bandang huli. Iba talaga kapag maganda ang samahan ng magkakapatid kahit na may mga asawa’t anak na. CongTV lang ang sakalam!!!”

@clangalarcon7445: “Sarap sa feeling kapag kabonding ang kuya. Congrats po sa inyo!”

Watch the full vlog below: