Matapos ang halos isang taon, muling nagbabalik ang isa sa mga pinaka-favorite YouTube serye ni Dudut—ang Dudut’s Kitchen Dayo.
Sa pagkakataong ito, hindi lang simpleng luto ang dinala niya kundi isang full culinary experience nang dayuhin niya ang tanyag na Storya Kitchen.
Hindi naging biro ang challenge para kay Dudut dahil sumabak agad siya sa paghahanda ng isang baptismal buffet. Ipinakita sa vlog ang mabusising preparation ng mga requested dishes gaya ng Barbecue Chicken na mahigit isang araw na ibinabad sa kanilang special sauce, pati na ang Braised Beef, Truffle Pasta, at ang paborito ng lahat na Lechon Kawali.
Tampok din sa menu ang mga Pinoy dishes na may modern twist katulad ng Deconstructed Pork Sinigang na dry version ng sinigang kung saan ang asim at sarap ay nasa sauce na ikaw mismo ang mag-mi-mix.
Meron ding Filipino-Style Shawarma na may kakaibang toppings gaya ng dilis, salted egg, at kamatis, pati na ang Bicol Express Pasta na perfect combination ng anghang at gata, served as a pasta dish.
Higit pa sa kakaibang humor at energy na dala ni Dudut sa loob ng kusina, humanga rin ang Storya Kitchen’s Executive Chef sa pagiging fast learner at skilled ng Team Payaman member.
Isang turo lang daw ay nakukuha na agad ni Dudut ang mga kitchen techniques, mula sa pag-prepare ng ingredients hanggang sa plating.
Nagtapos ang episode sa isang warm greeting para sa araw ng mga puso, kung saan pinasalamatan ni Dudut ang buong staff at ang mga OJTs na buong araw na nag-effort para mapagsilbihan ang mga customer.
Hindi rin mawawala ang support ng pamilya dahil bumisita ang Team Payaman members na sina Junnie, Vien, Chino, at Madam Eve, kung saan si Dudut mismo ang nag-prepare ng kanilang pagkain.
“Syempre Dudut’s Kitchen pa rin naman ‘to. ‘Pag sinabing Dudut’s Kitchen, I love cooking for my friends. Katulad kung paano nagsimula ang Storia Kitchen, food brings my friends together. Kaya nandito sila ngayon—masayang-masaya ang puso ko na mapaglutuan sila.” ani Dudut.’
Sa huli, nag-iwan si Dudut ng message para anyayahan ang mga manonood sa Storya Kitchen. “Subukan niyo na dito sa Storya para maramdaman niyo rin ‘yung pagmamahal na nilalagay nila sa mga pagkain nila. Malay niyo… magkaroon kayo ng mas maganda pang istoryang idadagdag sa buhay niyo.”
Watch the full vlog below:
Isinama ni Vien Iligan-Velasquez ang mga manonood sa Tanay trip ng kanilang pamilya sa kanyang…
Isang masaya at hindi malilimutang offroad adventure ang hatid nina Ninong Ry, Cong TV, at…
Isang masayang balita ang hatid ng mag-asawang Kevin Hermosada at Abigail Campanano-Hermosada sa kanilang mga…
Nagsanib-pwersa ang Team Payaman cook na si Dudut Lang at aktor na si David Licauco…
Hindi matatawarang mga reaksyon mula sa kanyang mga Tito at Tita ang natanggap ni Ulap…
Many people continue to look for effective ways to manage common underarm concerns such as…
This website uses cookies.