Recipes You Can Do At Home With Carabao’s Milk According to Dudut Lang

Bilang patunay ng husay sa kusina, muling naghatid ng masasarap at kakaibang putahe si Jaime Marino De Guzman, a.k.a. Dudut Lang, gamit ang simpleng carabao’s milk mula Pampanga.

Tunghayan ang iba’t ibang recipe na puwede mong subukan sa bahay mula sa savory dishes hanggang sa dessert.

Kesong Puti at French Toast

Sa kanyang bagong vlog, ipinakita ni Dudut kung paano gumawa ng kesong puti mula sa isang litro ng carabao’s milk. 

Pinainit niya ang gatas, hinalo para hindi dumikit, at nilagyan ng suka upang mag-curdle. Pagkatapos, sinala ang keso para makuha ang tamang tekstura, at nilagyan niya rin ito ng kaunting asin bago hanguin.

Para sa French toast, hinalo naman ni Dudut ang kesong puti sa itlog, cinnamon, sugar, vanilla extract, at kaunting asin. 

Gamit ang tinapay, pinahiran niya ito ng butter, at tinusta hanggang sa maging golden brown ang kulay nito. 

Leche Flan de Carabao

Para sa dessert lovers, gumawa rin si Dudut ng Leche Flan. Nagsimula siya sa paggamit ng caramelized sugar, at pagkatapos ay hinalo ang egg yolks, condensed milk, at carabao’s milk upang makagawa ng silky smooth custard. 

Ibinuhos niya ang mixture sa caramel at sinala gamit ang strainer bago ito ilagay sa refrigerator ng 24 oras para sa “perfect set.”

Shrimp Alfredo

Hindi rin nagpahuli si Dudut sa pagluto savory dishes. Para sa Shrimp Alfredo, ginamit ni Dudut ang ulo ng hipon upang mas maparasap ang kanyang iniluluto kasama ang butter, garlic, onions, at parmesan cheese. 

Matapos maluto, kanyang ihinalo ang pasta sa creamy sauce at nilagyan ng paprika at parsley para sa kanyang ‘finishing touches’.

Creamy Chicken Mushroom

Upang makumpleto ang listahan ng kanyang Carabao’s Milk recipe, sunod na niluto ni Dudut ang Creamy Chicken Mushroom.

Gamit ang boneless chicken leg at thigh kanya itong iprinito at ihinalo sa creamy sauce laman ang bawang, sibuyas, mushrooms, butter, at ang gatas ng kalabaw.

Sa huli, ipinakita ni Dudut ang buong lineup: Shrimp Alfredo, French Toast with kesong puti, Creamy Chicken Mushroom, at Leche Flan lahat gamit ang magic ng carabao’s milk. Ang Leche Flan ay kailangang mag-set para sa perfect texture.

Watch the full vlog below: