Kilala sa kanyang mga humorous vlogs, ngayon ay mas seryosong usapan naman ang hatid ng Team Payaman vlogger na si Yow Andrada.
Sa halip na tipikal na nakasanayang content, pinili ni Yow na talakayin ang karanasang pamilyar sa marami—ang pakiramdam ng pagkakaroon ng kasalanan.
Sa kanyang bagong vlog, ibinahagi ni Anthony Jay Andrada, a.k.a. Yow, ang mas malalim na pagninilay tungkol sa konsepto ng kasalanan at kung paano ito nakakaapekto hindi lamang sa sarili kundi pati sa mga taong nakapaligid sa atin.
Kwento ni Yow, dumarating sa punto na kahit sa gitna ng katahimikan ay napapaisip siya kung nakagawa ba siya ng kasalanan sa mga kaibigan, mga ka-banda, o pamilya.
Hindi umano ito tumutukoy sa malalaking pagkakamali kundi sa mga simpleng bagay na maaaring hindi sinasadya ngunit may epekto pa rin sa damdamin ng iba.
Ayon kay Yow, may mga pagkakataon na kahit wala kang ginawang mali, maaari pa ring magturing ng kasalanan dahil sa hindi pagbibigay-pansin, hindi pagtulong, o hindi pakikialam sa oras ng pangangailangan.
Bukod dito, ipinaliwanag ni Yow na likas sa tao ang magkamali. Ngunit habang tumatanda, mas nagiging malinaw na hindi lamang simpleng tama o mali ang konsepto ng kasalanan.
May mga pagkukulang na nagmumula sa takot, pagod, o pride, at may mga pagkakataon na ang sobra-sobrang pag-iisip ay nagiging sanhi ng pangamba at pagdududa sa sarili.
Para kay Yow, ang karaniwang reaksyon ng tao kapag nagkakamali ay ang paghingi ng tawad. Gayunpaman, may mga pagkakataong hindi madaling bigkasin ang simpleng salita dahil kailangan munang aminin at tanggapin ang pagkakamali.
“At the end of the day, anong ginagawa natin talaga kapag alam natin may kasalanan tayo? Ang pinaka pangkaraniwan, syempre, humihingi ng sorry. ‘Yun talaga ‘yung reflex natin. Minsan, sinasabi natin ‘yan agad-agad. Pero may mga panahon din na ang hirap bitawan ng simpleng salita na ‘yan. Kasi, kailangan mo munang aminin sa sarili mo na may mali ka,” ani Yow sa kanyang vlog.
Bilang pagtatapos, ipinaalala ni Yow na ang pinakamahalaga ay ang pagkakaroon ng taos-pusong intensyon na ayusin ang mali at matutong magbago.
Dagdag pa niya, maaaring hindi natin makontrol kung paano tatanggapin ng iba ang ating pagkakamali, ngunit nasa atin ang kakayahan na baguhin at paunlarin ang ating sarili.
Samantala, umani rin ng positibong komento ang vlog mula sa mga manonood, na nagsabing nakapagbigay ito ng inspirasyon, nagbukas ng mas malalim na pagninilay, at nagpamalas ng kakaibang paraan ni Yow sa pagsasalaysay.
@Izphoebe: “Deep vlog. Simply saying, we were born sinners, but God paved the way for us. Paid for our sins, no matter what we do, we inherited sins and we can’t do anything about it. But by God’s grace, we are saved and he is the only way to truth and life. God bless you and praise God for building a stronger relationship with him.’
@itzMeKaloy: “Another informative video, Waldo. Napa self-reflect tuloy ako.”
@marlonbonajos: “Thank you, Idol Yow! Napagaling mong mag storytelling. Poetic at little bit of juxta. I love the way you do it, Idol. Tuloy lang. Salamat sa isang makabuluhang paglalathala.”
@TenTen-m4n: “It’s my first time to watch Yow’s vlog. After this, I subscribed and gave this a like. I like how he is knowledgeable and at the same time funny. Keep spreading motivational, inspiring, and eye-opener videos.”
@nolipernes8197: “I really need to hear this. Thank you, Yow.”
Watch the full vlog below:
Sa kaniyang pinakabagong vlog, muling ibinahagi ni Abigail Campañano-Hermosada kasama ang kanyang asawa na si…
Bago tuluyang matapos ang kanilang all-girls Vietnam trip, hindi pinalampas ni Clouie Dims na masubukan…
Muling pinaglutuan ng resident cook ng Congpound na si Dudut Lang ang kanyang kapwa Team…
Muling nakuha ng Team Payaman siblings na sina Baby Tokyo at Kuya Kidlat ang…
Ibinida ng Team Payaman member na si Viy Cortez-Velasquez sa bagong vlog ang mga tagpo…
Matapos ang ilang buwang pagsasanay, ipinagdiwang ng pamilya Iligan-Velasquez ang kauna-unahang swimming meet ng kanilang…
This website uses cookies.