Netizens Applaud Team Payaman’s Junnie & Vien’s Pickleball Journey

Sa dami ng ginagawa bilang mga magulang at content creators, mahirap isipin kung saan pa isisingit nina Marlon “Junnie Boy” Velasquez Jr. at Vien Iligan-Velasquez ang oras para sa sports. 

Pero ngayong taon, nakahanap sila ng bagong libangan na parehong kinagigiliwan at pinaghuhugutan ng energy — ang paglalaro ng Pickleball.

Love for Pickleball

Hindi lang parenting at content creation ang pinagkakaabalahan nina Marlon Velasquez Jr., a.k.a. Junnie Boy,  at ng misis n’yang si Vien Iligan-Velasquez dahil nawili na rin sila sa paglalaro ng Pickleball.

Kasama ang ilang Team Payaman members, aktibo ang mag-asawa sa paglalaro nito sa kanilang free time. 

Baguhan man sa larangan ng pickleball, game na game si Vien na subukan at matutunan ang naturang sport. Sa kabilang banda, bukod sa basketball at online games, masigasig na ring nahuhumaling sa bagong sports craze ang mister n’yang si Junnie Boy.

2-Month Growth

Sa loob lamang ng dalawang buwan, tila naging parte na ng routine ng mag-asawa ang paglalaro ng Pickleball. 

“Grabe, from pickleball adik to mukhang adik in just 2 months,” biro ni Junnie Boy, habang dagdag pa ni Vien, “From beginner to baliw na sa Pickleball in just 2 months.”

Samantala, marami sa kanilang mga followers at mga mahal sa buhay ang natuwa sa progreso ng dalawa pagdating sa paglalaro.

Jovel Cortez Velasquez: “Maganda yan anak, exercise basta balance lang din. Matulog at kumain sa tamang oras.”

Jan Marci Dajay: “Baka mag-pambato ng Pilipinas na kayo sa susunod. Hahaha.”

Camz de Guzman: “Parang kaming mag-asawa, adik na adik na dyan! Sarap pampapawis, hahaha. Gandang bonding din mag-asawa.”

Essang Lizardo: “Sana all, ganyan ka fresh maglaro.”