CHINstituents Unite: Chino Liu Introduces ‘Kags, Help!’ Podcast

Reklamo? Suhestiyon? Problema? Sagot na ‘yan ni Chino Liu sa kanyang bagong ‘Kags, Help!’ podcast serye.

Alamin ang ng konteksto ng bagong podcast segment ng nasabing Team Payaman member at kung saan ito pwedeng mapakinggan!

‘Kags, Help!’

Kamakailan lang, inanunsyo ng Kris Aquino impersonator, content creator, at public servant na si Chino Liu ang bagong aabangan mula sa kanya.

Bukod sa paggawa ng mga nakakatuwang contents online, isa sa mga hangarin ngayon ni Chino ay ang magkaroon ng mas personal pang koneksyon sa kanyang mga CHINstituents.

Sa isang Instagram post, buong galak na inanyayahan ni Chino ang kanyang mga followers na subaybayan ang kanyang bagong podcast segment.

“Kung ikaw ay merong tanong, reklamo, komento, suhestyon, mga gusto idulog… ‘wag lang mangungutang pero pwede mag-solicit! Listen to Kags, Help! with Chino Liu!” saad n’ya sa kanyang post.

Ang nasabing podcast ay naglalayong mapag-usapan ang mga napapanahong mga isyu, diskusyon, at maging mga nakakaaliw na mga paksa online.

Maaaring magpadala ng mensahe ang mga nais magbahagi ng kanilang mga kwento, at humingi ng payo na s’yang ipapalabas sa bawat episode.

Una nang inilabas ni Chino ang pilot episode ng kanyang podcast segment nitong Hulyo 30 na kung saan taas noo itong nakinig at nagbigay ng payo sa kanyang letter sender.