Zeinab Harake-Parks Debunks ‘Attitude’ Allegations with Maris Racal

Isang buwan matapos ang kanilang paglahok bilang bride muse sa Inspired Beginnings 2025 bridal fashion show, isang masayang vlog ang hatid ng YouTube vlogger na si Zeinab Harake-Park kasama ang aktres na si Maris Racal.

Sa kanyang bagong vlog, pinagsabay ng dalawa ang makeup session at kwentuhan habang isinasagawa ang ‘One Shot, One Makeup Challenge,’ na nagsilbing daan din para sagutin ni Zeinab ang ilang isyung lumabas kaugnay ng kanyang paglahok sa nasabing fashion show.

Debunking Attitude Allegations

Matapos ang bridal fashion show na ginanap noong June 28-29, 2025, umani ng ilang reaksiyon online ang YouTube vlogger na si Zeinab Harake-Parks dahil sa umano’y seryoso at malamig niyang ekspresyon sa runway.

Bago simulan ang kanilang ‘One Shot, One Makeup Challenge,’ binalikan nina Zeinab at ng aktres na si Maris Racal ang mga komento ng netizens tungkol sa viral video ng nasabing fashion show. Dito, binigyang-linaw ni Zeinab ang mga puna ng ilang netizens na tila inirapan umano niya si Maris at isa pang personalidad habang nasa entablado.

Ayon kay Zeinab, walang katotohanan ang mga isyung ito at nagkausap na sila ni Maris sa backstage bago pa man magsimula ang fashion show. Sa katunayan, doon pa nila unang napag-usapan ang planong kolaborasyon para sa vlog.

“Hindi dahil sa mga kumakalat na issue kaya kami nag-collab [ni Maris]. Nagkausap na talaga kami backstage pa lang,” kwento ni Zeinab.

Paliwanag ni Zeinab, ang kanyang hindi pagngiti at seryosong mukha sa runway ay bahagi ng pagiging propesyonal. Ayon sa kanya, ginaya lamang niya ang istilo ng mga international models sa mga fashion show abroad, kung saan mas seryoso at matapang ang mga ekspresyon habang naglalakad sa runway.

“Naiintindihan ko naman sila kasi nasanay silang lagi akong tumatawa at nagpapatawa. ‘Yun nga lang kasi, naging professional ako,” ani Zeinab sa kanyang vlog.

Dagdag pa ni Zeinab, maaaring nakadagdag sa maling akala ang kanyang matapang na mata, na aniya’y natural sa kanyang lahing Arabiana. Tiniyak naman ni Maris na wala silang alitan at agad pinabulaanan ang mga lumabas na haka-haka.

“Sobrang good vibes kami,” ayon kay Maris.

Netizens’ Comments

Samantala, marami sa mga manonood ang natuwa at nagpahayag ng suporta sa tambalan nina Zeinab at Maris, na pinuri dahil sa kanilang natural na samahan at masayang enerhiya sa vlog.

@princessmay7808: “The collab that we didn’t expect pero napaka solid ng dalawa to. Omg Zeinab Harake and Maris Racal in one frame, my god. [I] love you both!”

@jewengyplatigue8093: “Ate, tawa lang ako nang tawa the whole time! Girl power! Ang saya. More collab soon!”

@AthenaLopez-h2x: “Unexpectedly, they jive so well. Maris really is such a wonderful person. She can easily connect with anybody just by being herself.”

Watch the full vlog below:

Angelica Sarte

Recent Posts

Team Payaman’s Clouie Dims Explores The Best Matcha Drinks in Siargao

Muling naghatid ng travel at food content ang Team Payaman vlogger na si Clouie Dims…

12 hours ago

SM at 40: Ivy Cortez-Ragos and Family Joins Celebration of SM Supermalls’ 4th Decade

SM has been a big part of Filipinos’ everyday lives, from family weekend bondings to…

12 hours ago

Doc Alvin Francisco Reveals the Hidden Truth Behind Your “Healthy” Favorites

Isa ka ba sa mga mahilig sa oatmeal, yogurt, granola bars, at ilan pang masustansyang…

1 day ago

Team Payaman Opens ‘Playhouse Pickle’ Court to the Public

You didn’t see this coming, but for the love of the game, Team Payaman has…

2 days ago

Tokyo Athena Serves Cuteness In Recent Rapunzel-Inspired Milestone Shoot

Little Princess Tokyo Athena Velasquez is back and brighter than ever!  Bilang pagpapatuloy sa tradisyon…

2 days ago

Team Payaman’s Aaron Macacua Joins Pencilbox Comedy ‘Sun2kan sa Skydome’ This October

Patuloy na ipinapakita ng Team Payaman vlogger na si Aaron Macacua, a.k.a Burong, ang kanyang…

2 days ago

This website uses cookies.