Matapos ang matagumpay na 12-episode run ng kanyang podcast na ‘Kags, Help!’ noong 2025, muling magbabalik sa podcast scene ang Team Payaman member na si Chino Liu sa pamamagitan ng panibagong konsepto.
Sa kanyang bagong show na ‘Chino On Deck,’ ipapakita ni Chino ang kanyang kakaibang estilo at panlasa sa luxury lifestyle at kwentuhan.
Sa unang pasilip ng programa, ipinakilala ni Chino Liu, a.k.a. Tita Krissy Achino, ang marangyang konsepto ng kanyang bagong podcast na ‘Chino On Deck’ sa pamamagitan ng mga eksena mula sa photoshoot at produksyon.
Makikita sa teaser ang high-end hotel kung saan ginawa ang mga kuha, na nagpapahiwatig ng tema ng ‘luxury lifestyle’ na nais niyang ipakita.
Ayon kay Chino, layunin ng ‘Chino On Deck’ na pagsamahin ang iba’t ibang panauhin sa isang espasyo para sa mga diskusyong puno ng kaalaman at pananaw.
Hindi raw karaniwan ang mga pag-uusap na aasahan sa show, kundi mga talakayang may mas mataas na antas at may kakaibang perspektibo.
“We bring masters to the deck, match them with the luxe type, and let the stories flow. Kasi honestly, walang average dito. Posh level lang,” ani Chino.
Handa ang ‘Chino On Deck’ na maghatid ng eleganteng usapan at nakakaaliw na kwento, habang ipinapakita ang natatanging personalidad ni Chino bilang ‘posh bestie’ ng kanyang mga tagapakinig.
Sa nalalapit na premiere ng ‘Chino On Deck,’ inaasahang magdadala ito ng panibagong flavor sa local podcast scene.
Ihahatid nito ang kombinasyon ng kaalaman, aliw, at estilo, bagay na tiyak na aabangan ng mga tagapakinig.
Para sa mga karagdagang updates, manatiling nakatutok sa kanilang opisyal na Facebook at Instagram pages.
Vien Iligan-Velasquez is adding more stylish pieces to her wardrobe as she shares her latest…
Finding ways to encourage children to eat healthier can be a challenge for many parents,…
Between school, work, errands, and family activities, preparing healthy meals every day can be a…
The countdown to Team Payaman Fair 2026: VIYond The Beat just got even more exciting!…
As children grow more active and curious, keeping them safe during everyday activities becomes increasingly…
Panibagong milestone ang ipinagdiwang ng pamilya Velasquez-Gaspar matapos ang transisyon ng panganay na si…
This website uses cookies.