Daddy Louie Unboxes His Much-Awaited Team Spyder x Team Payaman Helmet

Para sa isang rider, ang helmet ay hindi lang basta proteksyon, isa rin itong statement piece at kaagapay sa bawat biyahe. 

Kaya naman hindi maitago ni Daddy Louie Nimedez ang kanyang excitement nang matanggap na niya ang Team Spyder x Team Payaman Helmet! 

Unboxing

Si Daddy Louie, na kilala rin bilang ama ng yumaong Team Payaman vlogger na si Emman Nimedez, ay ibinahagi ang kanyang unboxing experience sa bagong vlog.

Bago pa man niya buksan ang package, napansin agad ni Daddy Louie kung gaano ka-secure ang packaging.

Habang binubuksan niya ito, unti-unti niyang nakita na mayroon itong ilang special accessories gaya ng puting visor at isang balaclava na siguradong magagamit niya sa kanyang mga pagmamaneho ng motorsiklo.

Agad na napahanga si Daddy Louie sa itsura ng Team Spyder X Team Payaman helmet at nasabi niyang ito na ang magiging kaagapay niya sa mas malalayong rides.

Bukod dito, naisip din niyang gamitin ang nabili niyang intercom at ikabit ito sa nasabing helmet. 

Aniya, mas magiging masaya na ngayon ang kanyang ride experience dahil pwede na siyang makinig sa kanyang paboritong mga kanta habang nasa daan.

Showing Off the Gear

Sa pagtatapos ng vlog, ipinakita ni Daddy Louie ang ilang clips kung saan gamit na niya ang bagong helmet sa kanyang pagmamaneho.

Sa huli, ibinahagi rin niya ang ilang litrato kung saan kitang-kita ang saya sa kanyang mukha habang ibinibida ang bago niyang gear.

Watch the full vlog here: