Viy Cortez-Velasquez’s Hot Take on Being a Strong, Independent Woman

Bukod sa pagiging hands-on na ina at asawa, isa ring content creator at business owner ang Team Payaman vlogger na si Viy Cortez-Velasquez.

Alamin kung paano nga ba napagsasabay ni Viy ang mga ito, at kung ano ang kanyang paliwanag sa paniniwala ng isang strong, independent woman. 

Hardworking Momma

Sa isang Facebook post, nagbahagi ang VIYLine CEO na si Viy Cortez-Velasquez ng motivational quote patungkol sa pagiging isang masipag na ina.

“Chasing dreams while raising babies. We got this momma!” ani Viviys.

Sa nasabing post, maraming kapwa-ina ang na-inspire sa angking sipag ni Viy sa pagtatrabaho habang ipinagbubuntis ang bunso nitong si Baby Tokyo.

Magmula sa pagiging hands-on na ina kay Kidlat at asawa kay Lincoln Velasquez, a.k.a Cong TV, naisasabay pa nito ang pagtatrabaho sa negosyo nitong VIYLine Group of Companies. 

KingLing Juars: “Fighting Ma’am! I’m [also] a  mom of two and working at the same time”

Nicole Santiago-Gonzales: “Yas girl! Preggy working momma here!”

Joy Echon Dela Cruz: “Fighting, Working Mums!”

Strong, Independent Woman

Isang kontrobersyal na TikTok post naman ang binigyang pansin ni Viy matapos nitong makita ang mga komento ng netizens pagdating sa pagiging isang strong, independent woman. 

Ani Viy Cortez, nais niyang maging ehemplo ng isang strong, independent woman sa pamamagitan ng pagiging isang working wife. 

“Ayokong i-asa [lahat] sa asawa ko kasi ayoko s’yang mangarag. Pero lagi ko namang sinasabi sa mga vlog ko, ang asawa ko, sure ako, kapag dumating ang panahon na hindi nag-work ‘tong mga ginagawa ko, alam kong kaya akong buhayin ng asawa ko,” paliwanag nito.

Payo pa nito sa kanyang mga kapwa babae na huwag i-asa sa asawa ang pagkakaroon ng magandang buhay, bagkus, pagsumikapan at pagtulungan ang pagkamit nito. 

“Hindi daan ang pagkakaroon ng asawa para magkaroon ng marangyang buhay,” payo ni Viviys.

“Kanya-kanya ‘yan, depende sa usapan ninyo, mayroon kasing lalaki, ang gusto house wife [ka], mayroon naman na lalaki na gusto magtrabaho parehas. So kanya-kanyang trip mag-asawa ‘yan,” dagdag pa niya.

Naniniwala rin ang soon-to-be mom of two sa prinsipyo ng 50-50 na hatian nila ni Cong pagdating sa mga gastusin sa bahay.

“Ayoko maging tamad, gusto ko, 50-50 kami. Pag nasanay ako na mas malaki ang pino-provide n’ya, paano ko s’ya bubuhayin? At least ngayon, alam kong kaya ko” paliwanag pa nito.

Watch the full video below: