Isa sa mga hinahangaang miyembro ng Team Payaman si Aaron Macacua, na mas kilala bilang “Burong,” dahil sa kaniyang mga exciting at adventurous content. Mula sa Kaya Mo Ba Burs episodes, gaming videos, hanggang sa mga ganap ng Team Payaman, hindi umuurong si Burong sa pagpapasaya sa kaniyang mga tagasubaybay.
Ngayon, isang bagong milestone ang tinahak ni Burong sa kanyang karera sa pamamagitan ng pagpasok sa mundo ng aktingan.
Sa kanyang bagong vlog, ubinahagi ni Burong ang kaniyang first-ever acting journey matapos maimbitahang maging aktor sa Online Filipino Comedy Sketch Show na Pencilbox Studios.
“On my way sa taping ng Pencilbox…” pagbabalita ni Burong sa sa umpisa ng vlog.
Pagdating sa studio, agad niyang nakatagpo at nakachikahan si Patrick Alcantara, ang direktor ng Pencilbox Studios, na naging isang malaking suporta sa kanyang unang hakbang sa industriya.
Matapos ang ilang minuto ng kaswal na usapan, sinubukan na ni Burong na mag-rehearse at i-memorize ang kaniyang script, hindi alintana ang kaba dahil bago sa kanya ang gagawin.
“Okay na, Pards. Game na raw. Kinakabahan ako…” aniya, at agad na nagsimula ng ensayo para sa unang eksena. Bagamat ramdam ang kaba, hindi nagpatinag si Burong, at matagumpay niyang nagawa ang mga eksena.
“Swabe, one take lang!” masaya niyang ibinahagi pagkatapos ng kanilang unang shoot. Ipinakita ni Burong ang kaniyang kakayahan sa pagganap bilang isang travel agency consultant, na nagpatunay na kahit sa unang pagkakataon, taglay pa rin niya ang husay sa pagganap.
Samantala, hindi lang ang akting ang naging highlight ng kaniyang taping experience. Sinulit ni Burong ang pagkakataong makipag-bonding sa ibang kasamahan tulad ng ibang content creators, kabilang na ang kilalang TikTok sensation na si Charlize Ruth Reyes, o mas kilala bilang Charuth.
Iba’t ibang karakter at personalidad pa ang ginampanan ni Burong sa Pencilbox Studios, tulad ng pagiging manghihilot, pasahero, restaurant staff, at marami pang iba. Lahat ng ito ay puno ng nakakatuwang kwento at mga tagpo na tiyak na ikatutuwa ng mga manonood.
Watch the full vlog here:
Step into the world of captivating fragrances with Ivy Cortez-Ragos as she explores Perfume House…
Hindi maitatanggi na malakas na impluwensya ng Viyline CEO and Founder na si Viy Cortez-Velasquez…
Masayang ipinagdiwang ng pamilya Cortez-Velasquez at ilan sa kanilang mga malalapit na kaibigan at mga…
To mark a stronger year ahead, Viyline Group of Companies announces its relocation to provide…
Matapos ang kanilang beach getaway, namasyal naman ang pamilya Velasquez-Gaspar sa Dinosaur Island sa Clark,…
It is truly an exciting year for the entire Cortez-Velasquez family as they continue to…
This website uses cookies.