Team Payaman Boys Get Real and Emotional Looking Back at Their Humble Beginnings

Hindi lingid sa kaalaman ng lahat na sina Cong TV, Junnie Boy, at Boss Keng ang nagsilbing pundasyon ng isa sa pinakatinitingalang grupo ng content creators sa bansa, ang Team Payaman.

Sa likod ng kanilang nakakatawang batuhan ng mga linya sa vlogs ay ang emosyonal at hindi mapapantayang pagmamahal sa isa’t-isa. Lubusan pang kilalanin at tunghayan ang pagkakaibigang nabuo ng pangarap.

Bumpy Journey

Panibagong episode ang hatid ngayon ng “Offbeat” series sa YouTube channel ni Viy Cortez-Velasquez, kung saan tampok sina Lincoln Velasquez, a.k.a Cong TV, Marlon Velasquez Jr., a.k.a Junnie Boy, at Exekiel Christian Gaspar, a.k.a Boss Keng. 

Gaya ng naunang episode kung saan bumida ang kanilang mga misis, laman ng nasabing serye ang mga katanungan na naglalayong maipakilala pa ang tatlo.

Taas noo namang sinagot ng tatlo ang katotohanan pagdating sa kanilang mga pinagdaanan bilang miyembro ng Team Payaman.

Unang naibahagi ang mga pangarap ring nais matupad sina Boss Keng, Junnie, at Cong.

“Gusto ko magkaroon ng maraming maraming business. Dati pa lang, may pangarap na kami [ni Junnie] na bar,” sagot ni Boss Keng.

Dagdag ni Junnie: “Marami kaming daydream na negosyo, marami kaming gustong gawin ni Keng.”

“Gusto ko lang maging vlogger. Gusto ko lang madiscover pa ‘yung ibang klase ng pagva-vlog,” ani naman ni Cong.

Brotherhood

Hindi naman napigilan ng Team Payaman boys na maging emosyonal nang hingan sila ni Viviys ng mensahe para sa isa’t-isa sa parte ng episode na tinawag niyang “YOLO-gy.”

“Boys, thank you for always being there with me since day one. To the both of you, you helped me fly. You helped me achieve everything that I have today, and you are the reason where we are as a group,” mensahe ni Cong para sa kapatid at brother-in-law.

Dagdag pa nito: “Kung sa family tree, God, asawa, at anak, kayo ang pangatlo.” 

Dahil dito, hindi napigilang maging emosyonal nina Junnie at Boss Keng nang marinig ang mensahe ng kanilang bossing.

Para naman kay Junnie: “Kay Kuya, salamat sa pagsama sa amin sa pangarap mo. Salamat kasi hindi mo ko tinigilan n’on [na sumama sa vlog mo]. Maraming salamat sa pagsama sa akin sa paglipad mo.”

“Kay Boss Keng, thank you sa pagiging kuya. Thank you!” mensahe naman nito para kay Boss Keng.

“Alam kong alam mo kung gaano kita kamahal, gagawin ko rin ang lahat, kapag nahirapan ka o masarap ang buhay mo, gusto ko kasama mo ako!” mensahe naman ni Boss Keng para kay Junnie.

Para sa mensahe nito kay Cong, “Sobrang hirap magkaroon ng kapatid, kaibigan, na katulad ng pinaparamdam mo sa amin. Alam kong nararamdaman mo ako, mahal na mahal kita [Bo]ssing!”

Watch the full vlog below: