“Another achievement unlocked before turning 1!”
Iyan ang puri ng Team Payaman vlogger na si Pat Velasquez-Gaspar sa kanyang anak na si Isla Patriel, a.k.a. Baby Isla. Ito ay matapos ibahagi ng first-time mom ang video sa Facebook habang unti-unting naglalakad si Isla.
Kahit pabagsak-bagsak ay sinorpresa ni Baby Isla ang kanyang mommy sa pamamagitan ng tagumpay na pag-aabot ng kanyang mga laruan na nakapatong sa sofa papunta sa kanyang ina na nakaupo sa kabilang direksyon.
Nakatakdang magdiwang si Baby Isla ng kanyang 1st birthday sa July 8. Alamin kung ano nga ba ang sikreto ni Mommy Pat upang maagang matuto makalakad si Baby Isla.
Sa kanyang Facebook video, nagbahagi si Pat ng tatlong tips mula sa kanilang pediatrician upang makatulong sa mga kapwa niyang ina na turuan ang kanilang mga anak na maglakad.
Kwento ni Pat, isa sa naging ensayo ni Baby Isla ay ang paglalakad habang inaalalayan hawak ang kaniyang mga braso at kili-kili. Isa rin aniya sa nakatulong ay ang paggamit ni Baby Isla ng kanilang mga sofa bilang gabay sa paglalakad.
“Si Isla kasi hinahayaan ko lang maglakad eh. Hindi talaga ako all the time hahawakan siya. Kung babagsak siya, babagsak siya,” ani Mommy Pat.
“The way talaga para matuto ang anak mo, totoo yan, hayaan mo lang siya. Hayaan mo siyang matuto kasi madi-discover niya na kaya pala niya,” dagdag pa ng first-time mom.
Maalalang ibinahagi ang mag-asawang Pat at Exekiel Christian Gaspar, a.k.a Boss Keng, sa kanilang mga naunang vlog ang tungkol sa pagbibigay ng walker at andador kay Baby Isla.
Kwento ni Pat, bilin sa kanila ng pedia na mas makakabuti kung nakalapat ang paa ng bata sa sahig kumpara sa paggamit ng walker.
“Itapon niyo na ‘yung mga walker,” biro ni Pat. Ngunit ang katotohanan ay ipapamigay niya na lang ito sa mas nangangailangan.
Isa na sa bibigyan ni Pat ng walker ni Isla ay ang netizen na si Mami Bhie na nagbahagi sa kanyang kumento na kailangan ito para sa weekly therapy ng kanyang anak na may Cerebral Palsy.
Ayon pa kay Mommy Pat, isa rin sa paalala ng kanilang pedia ay huwag pagsuotin ng sapatos si Baby Isla hangga’t hindi pa nakakalakad. Aniya, ito raw ay maaaring makaapekto sa hugis ng paa at pati na rin sa balanse nito. Sa halip, magandang ensayo ng paglalakad sa mga bata ay ang maglakad nang nakayapak.
Kwento niya na kapag lalabas ang kanilang pamilya, open toe sandals lang ang mga sapatos na ipinapasuot kay Baby Isla. Samantala, kapag nasa bahay naman ay hinahayaan nila itong magyapak at maramdaman ang sahig.
Labis naman ang galak at pagka-proud ni Pat sa kanyang anak sapagkat aniya ay meron na siyang hahabulin bago pa man ito mag-isang taon.
“Naka 6 steps na siya. Tomorrow magte-training kami 100 steps,” biro pa ng proud mommy.
Watch the full video here:
Naghatid ng girlhood energy ang Team Payaman Girls sa kanilang TikTok entry serye mula sa…
Reklamo? Suhestiyon? Problema? Sagot na ‘yan ni Chino Liu sa kanyang bagong ‘Kags, Help!’ podcast…
Bilang selebrasyon ng ika-apat na buwan ng bunsong anak nina Cong TV at Viy Cortez-Velasquez…
Sa pinakabagong vlog ni Pat Velasquez-Gaspar, ibinahagi niya ang isang simple ngunit puno ng saya…
Bago pa man ang inaabangang rematch kontra sa Team Shooting Stars sa Star Magic All…
Naghatid ng good vibes ang Team Payaman next-gen vlogger na si Yiv Cortez sa kanyang…
This website uses cookies.