Dahil nalalapit na ang inaabangang pag-iisang dibdib nina Cong TV at Viy Cortez, kaliwa’t-kanan na rin ang ginagawang paghahanda ng Team Payaman power couple.
Hatid ng VIYLine Media Group (VMG) ang ilang eksklusibong detalye sa paghahanda nina Cong at Viy para sa tinaguriang #perfectCONGVIYnation wedding.
Pumalo ng 16 million views ang prenup video nina Lincoln Velasquez, a.k.a Cong TV at Viy Cortez para sa inaabangang #perfectCONGVIYnation wedding.
Sa tulong ng Nice Print Photography & Exige Weddings, naisakatuparan ang island-themed shoot nina Cong at Viy sa Balesin Island sa Quezon Province.
Naging usap-usapan ang nasabing prenup video dala ng nakaka-antig na kwentuhan ng soon-to-be-wed couple patungkol sa kanilang relasyon.
“Handa ka na ba?” tanong ni Viy.
Sagot naman ni Cong: “Handa na! Overdue na nga ‘to!”
Hunyo 10 naman nang ibida ni Viy Cortez sa isang Facebook post ang litrato ng Pamilya Cortez at Pamilya Velasquez na magkasama para sa pamamanhikan.
Ang pamamanhikan ay isang tradisyon ng mga Pilipino kung saan pormal na hinihingi ng lalaki ang kamay ng babae sa harap ng kani-kanilang mga pamilya.
“Ang pamamanhikan… Salamat mahal, hindi lang apelyido mo ang ibibigay mo sa’kin pati pangalawang pamilya!” ani Viy.
Naging masaya ang pamamanhikan nina Cong at Viy dahil kumpleto ang mga kapatid, pamangkin, at mga magulang ng bawat isa.
“Congratulations, and best wishes to you both! God bless!” paunang bati ng mga netizens.
Bilang pasasalamat sa pagtanggap na maging parte ng kanilang kasal, ilang ekslusibong regalo ang handog ni Viviys para sa kanyang mga Ninang, Bridesmaid, at mga bisita.
Una nang ibinida ni Viy sa isang Facebook post na magkakaroon ng ekslusibong VIYLine Cosmetics product ang kanyang mga bisita.
“Exclusive Viyline cosmetics lippies (10 shades) for my wedding guests and bridesmaids. Isa sa mga shades itong suot ko!” kwento nito.
Bukod sa lip products, isa-isa ring pinadalhan ni Viy ang kanyang mga bridesmaids ng regalong mga bag, na kanilang ibinida sa kani-kanilang social media accounts.
Kasado na ang disenyo ng kanilang venue, wedding host, pati na rin ng lights and sounds matapos ang kanilang meeting kasama ang mga suppliers.
Sa isang Facebook post, ibinahagi ni Viviys ang kanyang pagkagalak sa kanilang huling pagtitipon bilang paghahanda sa kasal.
“Lapit na talaga. final meeting with supplier!” aniya.
Kamakailan lang ay nagsama ang Team Viviys at VIYLine Media Group upang pag-usapan kung paano nga ba makikisaya ang mga online bisita sa inaantay na #perfectCONGVIYnation wedding.
“VMG x Team Viviys! Full force for #perfectCONGVIYnation!”
Para maging updated ka sa kasalang Cong TV at Viy Cortez, manatiling nakatutok sa opisyal na Facebook, Instagram, TikTok, at X (dating Twitter) ng VIYLine Media Group!
Team Payaman Fans, get ready for another exciting streetwear drop! Cong TV’s apparel brand, Team…
Isang nakakakilig na episode ang hatid ni Viy Cortez-Velasquez sa kanyang “Kusina Wars” vlog matapos…
Isang masayang food adventure ang hatid ni Mommy Viy Cortez-Velasquez kasama ang mga house angels…
Isang Cebu adVIENture ang hatid ni Vien Iligan-Velasquez matapos nilang dumayo sa nasabing probinsya upang…
For fans who have spent years watching their favorite Filipino content creators through vlogs, livestreams,…
Panibagong endorsement ang hatid ng Team Payaman PAAWER Couple na sina Cong TV at Viy…
This website uses cookies.