Dumating na ang pinakahihintay na tagpo ng Team Payaman fans na makitang maglaro sa hard court ng Star Magic All Star Games 2024 ang koponan ng Cong’s Anbelibabol Basketball na pinangungunahan ni Cong TV.
Linggo, June 2, 2024 nang yanigin ng Team Payaman ang Smart Araneta Coliseum sa kanilang presensya, depensa, at siyempre baong kwela sa pagharap sa Star Magic Shooting Stars Blue Team.
Balikan natin ang ilan sa mga hindi malilimutang tagpo sa kauna-unahang pagbisita ng Team Payaman sa Star Magic All Star Games.
Bago pa man mag-umpisa ang laban, isang hindi inaasahang pagkikita ang gumulat sa fans ng Team Payaman at all-girl Ppop group na BINI. Ito ay matapos magkadaupang palad ang dalawang grupo habang nasa rehearsal.
Hindi rin nagpahuli ang Team Payaman mommah na si Viy Cortez na personal na makilala at mapanood ang half-time performance ng BINI.
Siyempre, present din para manood at sumuporta ang Team Payaman girls na sina Viy Cortez, Vien Iligan-Velasquez, at Clouie Dims. Bitbit pa ng mga proud misis at jowa ang higanteng bubble head photos nina Cong TV, Junnie Boy, at Dudut Lang.
Samantala, sa isang interview pinalakas naman ni Viviys ang loob ng kaniyang soon-to-be husband sa pagsasabing siya ang bahala sa kanilang honeymoon kapag naipanalo ng Cong’s Anbelibabol Basketball team ang kanilang laban.
Samantala, nag viral naman ang larawan ni Cong TV na kinunan habang nasa gitna ng interview ng ABS-CBN. Bagamat wala namang ginawang kakaiba ang 32-anyos na vlogger, tila napagkatuwaan ng netizens ang ilang Team Payaman members ang nasabing litrato kung saan tila tulala si Cong TV.
“Inosente po ako,” biro ni Cong.
“Bakit parang prime suspect?” tanong naman ni Kevin Hufana.
Pero ang ikinagulat ng lahat ay ang surpresang production number ng Cong’s Anbelibabol Basketball nang ipakilala na ang kanilang grupo. Niyanig ng grupo ang Araneta Coliseum sa kanilang kakaibang dance number na ikinagulat ng lahat.
Pero ang mas ikinatuwa ng fans ay ang pagpasok ng tinaguriang “Secret Weapon” ng Cong’s Anbelibabol Basketball team na si Yow Andrada. Buong akala ng lahat ay hindi siya kasama sa lineup, kaya naman laking tuwa ng fans nang ipasok si Yow sa 3rd quarter ng laro.
Hindi rin matawaran ang hiyawan ng fans at buong Team Payaman nang maka-puntos si Yow sa unang pagkakataon.
Isang malaking rebelasyon din sa mga manonood ang ipinakitang husay sa basketball ng ilang Team Payaman members na sina Nelson Mendoza at Chris Lagudas na napasama sa Mythical 5 matapos ang laban.
Sa huli, tinanghal namang 1st Runner-Up ng laban ang Cong’s Anbelibabol Basketball.
Now that the weather is getting colder, maintaining well-moisturized skin becomes a challenge, often leaving…
Dahil back-to-school season na, ibinahagi ni Mommy Viy ang ultimate baon buddy ng panganay niyang…
Marami ang naaliw nang simulan ng mag-asawang Kevin at Abigail Hermosada ang kanilang ‘weird cravings’…
Hot on the heels of their last successful drop, Cong TV’s official clothing line, Team…
Matapos hindi makasama sa nakaraang biyahe ng Team Payaman sa Hong Kong, nakabawi si Burong…
Isang makabuluhang feeding activity para sa mga stray dogs ang tampok sa pinakabagong episode ng…
This website uses cookies.