Yow Andrada Highlights Bok’s Driving Milestone in Latest Congpound Reality Show Episode

Matatandaang sa mga nakaraang YouTube uploads ni Yow Andrada, naging tampok nito ang reality show sa Congpound na pinagbibidahan ng mga miyembro ng Team Payaman.

Sa pinakabagong vlog ni Yow, inilabas niya ang ika-limang episode ng Team Payaman reality show na may titulong “bibili tayo ng halo-halo, kuya.” 

Sa episode na ito, nasubok nina Yow at Steve Wijayawickrama ang driving skills ni Carlos Magnata, a.k.a Bok.

Bok’s Driving Milestone

Sa nakaraang vlog na “edi ipa-billboard mo,” hindi pinahintulutan si Bok na mag-drive ng kotse dahil sa kakulangan nito ng karanasan sa pagmamaneho. Kaya naman kitang-kita ang tuwa ni Bok nang sa wakas ay pinayagan na siyang magmaneho ng mga kaibigan.

“Legit nga, nagda-drive nga ata talaga ‘to si Bok,” ani Yow habang nasa biyahe.

“Panis, marunong nga si Bok mag-drive,” dagdag pa nito.

Makikita sa episode ang pagkaroon ng kumpiyansa sa sarili ni Bok sa bawat liko ng manibela. Sa huli, masaya nilang pinagsaluhan ang halo-halong kanilang nabili.

Ibinahagi pa ni Bok na nadagdagan ang rate sa kaniyang driving skills at balak niyang magmaneho ng mas malaking sasakyan.

Netizens’ Reactions

Umani naman ng maraming positibong komento mula sa mga tagasubaybay ang nasabing reality show vlog ni Yow. 

@l*******862: “Ito ang paborito kong ‘paksyon’ sa Team Payaman. Natural. Hindi OA yung mga cast. Wala pang main character.”

@c******107: “Maganda yung ganitong tema, natural lang.”

@j*******189: “More vlogs na gan’to, Kuya Yow.”

@k******060: “Ganda, parang [situation comedy]”

Tunay na nakakaaliw ang bonding moments ng Team Payaman tulad ng simpleng pagbili ng halo-halo na ipinapakita ni Yow Andrada sa kanyang mga vlogs. 

Abangan ang mga susunod na episode ng Team Payaman reality show para sa higit pang kwento at kasiyahan.

Watch the full vlog below: