Matapos lumipad ng Team Payaman Girls papuntang Thailand para sa surprise Bridal Shower ni Viy Cortez, tila nagalak ang ilang TP Boys sa kanilang all-boys bonding sa Congpound.
Ano nga kaya ang kaganapan sa likod ng unang gabi ng wala sa piling ninaBurong, Dudut Lang, at Junnie Boy ang kanilang mga butihing misis at nobya?
All-Boys Bonding
Sa bagong vlog ni Aaron Macacua, a.k.a Burong, ibinahagi nito sa mga manonood na ilang araw mawawala ang Team Payaman Girls para sa bridal shower ni Viviys, kasama na ang fiancé nitong si Aki Angulo.
Matapos ihatid ni Burong ang kanyang nobya sa airport, hindi nito napigilang maging emosyonal.
“Oras na ito para sa sarili ko siguro. Hindi ko alam, hindi ko kaya na wala s’ya [Aki],” ani Burong.
Pag-uwi, agad nitong inaya ang mga kaibigang sina Dudut Lang at Junnie Boy, na ang mga nobya ay lumipad din sa Thailand para sa nasabing bridal shower.
Nagpulong ang tatlo at pinag-isipan ang mga destinasyong kanilang pupuntahan ngayo’y nasa ibang bansa ang kanilang mga asawa’t nobya.
Gimik, pagpapamasahe, road trip sa Tagaytay, Baguio, La Union, at pag-akyat sa Benguet ang ilan sa mga suhestiyon ni Burong.
Maya maya pa ay sumakay na ng sasakyan ang tatlo. Habang minamaneho ni Dudut ang sasakyan ay napagtanto nila kung gaano kahirap itawid ang isang araw na wala ang kanilang mga minamahal na misis at nobya.
“Kapag nawawala yung mga girls, parang yung isang araw parang isang taon noh? Sobrang tagal,” ani Burong.
Dagdag naman ni Junnie Boy: “Saka ‘pag wala sila… Kunwari nasa bahay lang, hindi mo sila masyado na-appreciate. Kunwari si Vien naka-daster lang sa bahay, ‘di ko siya na-appreciate masyado, sakto lang. Pero pag wala siya tapos nakita mo naka-sando sa ibang bansa… (gigil).”
Sa gitna ng paglalakbay ay naisipan ni Junnie Boy na ipagpaliban na lang ang kanilang bonding dala ng pag-aalala nito sa kanyang mga anak.
“Ay magvi-video call pala kami ni Vien kasi si Viela, hindi makatulog ng wala s’ya sa tabi n’ya,” pangamba ni Junnie.
Funny Reactions
Hindi napigilan ng mga manonood na matuwa sa kwelang ngunit epic fail bonding nina Burong, Junnie Boy, at Dudut.
@macoyskietv7784: “Pinaka memorable na gabe kase lahat ng plano drawing HAHAHA”
@rouiejoshue: “Hahahahaha bawi next time Burong!”
@michaeldmagpantay4382: “Pwede naman pala ubusin ang oras sa pagtulog ehh, gagala ka pa hahaha”
Watch the full vlog below:
