Isang masaya at ‘di malilimutang milestone ang ginanap sa Torres Farm Hotel and Resort para ipagdiwang ang ika-60 na kaarawan ng mahal na ilaw ng tahanan ng pamilya Cortez na si Mrs. Imelda Tumbaga Cortez.
Napuno ng pagmamahal at sigla ang buong paligid nang magkatipon-tipon ang kaniyang pamilya, malalapit na kaibigan, at ang buong pamilya ng Viyline Group of Companies.
Grand Surprises and Highlights
Bago pa man opisyal na magsimula ang programa, naghatid agad ng pananabik sa mga bisita ang grand launch ng kauna-unahang advertising truck ng Viyline Media Group, na nagsilbing isa sa grand surprises ng gabi.
Lalo pang tumindi ang saya nang mismong si Mrs. Cortez ang bumida sa gitna ng dance floor. Nagpamalas siya ng isang masiglang surprise dance number kasama ang live-selling department ng Viyline, na nagpatunay na walang edad ang tunay na saya at sigla.
Mas naging exciting naman ang gabi nang magsimula ang grand raffle draw kung saan iba’t ibang branded appliances ang ipinamigay sa mga mapapalad na bisita.
Mula sa mga home essentials hanggang sa modern kitchen gadgets, labis ang katuwaan ng lahat habang nag-aabang sa pagtawag ng kanilang mga pangalan.
Hindi rin pinalampas ng mga bisita ang pagkakataon upang iparamdam ang kanilang pagmamahal sa pamamagitan ng pag-abot ng mga natatanging regalo at personal na pagbati para sa celebrant.
Touching Birthday Wishes
Napuno rin ng emosyon ang gabi nang mag-iwan ng heartfelt messages ang pamilya ni Mrs. Cortez na pingunahan ng kaniyang tres marias.
Viy Cortez-Velasquez: “Happy 60th birthday, mama ko. Thank you sa lahat, mama. I love you so much…”
Ivy Cortez-Ragos: “Happy birthday, mama. Love you ma!!!”
Yiv Cortez: “Happy 60th Birthday Mama! Senior ka na… Mahal na mahal ka namin!”
Hindi rin nagpahuli sa pagpapakilig si Mr. Rolando Cortez nang isayaw niya ang kaniyang misis sa gitna ng entablado at abutan ito ng bulaklak.
Sa gitna ng palakpakan ng lahat, inamin nitong iyon ang kauna-unahang pagkakataon na nagbigay siya ng bulaklak sa kanyang kabiyak sa mahigit 30 taon nilang pagsasama.
Matapos ang mga nakatutuwang palabas at emosyonal na mensahe, nagpatuloy ang gabi sa isang masayang after-party.
