Sa nagdaang vlog ni Cong TV, ibinida ang hangarin ni Kevin Cancamo o mas kilalang Genggeng, na mapabilang sa bagong edisyon ng Pinoy Big Brother (PBB) House.
Tampok naman ngayon sa pinakabagong YouTube vlog ni Cong ang pakikisalamuha ni Genggeng sa ilang ex-housemates ng PBB House, kung saan siya ay humingi ng opinyon hinggil sa posibilidad na pagpasok niya sa Bahay ni Kuya.
Stay Informed and Be Yourself
Unang nakapanayam nina Cong at Genggeng ang dating Pinoy Big Brother Teen Edition 4 Housemate na si Karen Reyes.
“Ito, hihingi tayo ng advice, artista ‘to,” ani Cong TV.
“Madam Karen, p’wede po humingi ng advice? Kasi gusto po niya pumasok sa PBB,” bungad ng 32-anyos na vlogger.
Ayon sa ex-housemate na kalaunan ay naging aktres, kailangang alam ni Genggeng ang mga nauusong usapan o trend.
“Uso ngayon ‘yung BINI, eh! So, dapat po alam niya ‘yung mga ganon?” tanong ni Cong TV.
Sumang-ayon naman dito si Reyes. “Dapat alam mo. Kasi, may mga tanong dun na parang mind [blowing] s’ya,” ani niya.
“Ito lang, just be yourself. Legit ‘to, totoong advise, just be yourself,” dagdag pa niya.
Practice Patience and Be Witty
Nilapitan naman nila ang dating PBB Double Up Big Winner na si Melai Cantiveros.
“Ito po si Genggeng. Ngayon, gusto po nitong pumasok sa PBB. Ano po ang maipapayo ninyo sa kan’ya?” pagpapakilala ni Cong TV.
“Hanapin mo muna yung susi sa bahay ni kuya,” biro ni Melai.
“Baka may masa-suggest po kayo sa pag-aartista sa kanya. Ano po bang kailangan niya?” tanong ni Cong TV.
“Ang kailangan mo… facial wash—” muli pang biro ng Big Winner.
“’Pag nakapasok ka dun, [mag] pasensya ka sa pila… malay mo ikaw na ang next na Big Winner,” payo ni Melai.
Ibinahagi rin niya na kailangang maging matalino si Geng sa pagtupad ng mga hamon ni Kuya sa loob ng bahay.
Watch the full vlog below:
