Sa bagong YouTube vlog, ibinahagi ng Team Payaman vlogger na si Clouie Dims ang kanyang mini-mukbang ng mga pagkain na nabili n’ya mula sa 7-Eleven convenience store sa Thailand.
Sa paglalim ng gabi ay nagsisimula nang magsara ang mga restaurant na malapit sa kanilang hotel, kaya naman sinamantala ni Clouie na dayuhin at gawing pantawid-gutom ang mga kakaibang snacks at wallet-friendly desserts na mabibili sa Thailand. Alamin kung anu-ano nga ba ang mga ito:
Kung mahilig ka sa saging at naghahanap ng malambot na tinapay, tiyak na swak sa panlasa mo ang Moist Banana Cake na mabibili lamang sa murang halaga ng 26 baht.
Kagaya ni Clouie, maaari na itong gawing pambaon sa malayuang byahe.
Kahit kakain pa ng hapunan kasama ang TP girls, hindi pinalampas ni Clouie na matikman ang Pork Fried Rice ng 7-11 Thailand. Sa halagang 197 baht ay aprubado ito sa panlasa ni Clouie. Ika rin nga ng mga lokal: “When in Thailand, you can’t go wrong with pork!”
Inilarawan ni Clouie ang Tawan chips bilang nagpapaalala sa kanya ng “lasang childhood.” Ito ay crispy noodle na may sweet and sour flavor na nagkakahalaga lamang sa 48 baht sa convenience store.
Ang Roti ay kilala bilang sikat na Thai street food at tinatawag ding “Thai Banana Pancake.” Ito ay inihahain na may kasamang condensed milk at minsan maaari ring haluan ng toppings kagaya ng Milo powder. Ito ang pinakagustong matikman ni Clouie at pinakapakay n’ya sa pagpunta sa convenience store at hindi naman siya nabigo sa lasa nito.
Kahit sa Thailand airport bago umuwi ng Pinas, hindi nagpahuli ang TP girls na matikman ang 2022 Michelin-recommended original Pang Cha Milk Tea na may tatlong uri ng tapioca pearls. Para kay Clouie, worth it ang bili nila sa 220 baht na milk tea.
Samanala ayon pa kay Clouie isa sa pinaka masayang karanasan niya sa kanilang quick Bangkok travel ay ang magfoodtrip.
“Ito ‘yung babalik-balikan ko sa Thailand, ang mga pagkain.”
Dagdag pa niya, paniguradong babalik siya ng bansa kasama ang nobyong si Dudut Lang sapagkat isa ito sa dream country ng nobyo na hilig din makatikim at makapagluto ng iba’t ibang cuisine.
“Ang dami pala talagang magagawa dito sa Bangkok, ang dami pang pwedeng i-try. Talagang babalik kami,” ani Clouie.
Watch the full vlog here:
Muling kinaaliwan ang father-and-son duo na sina Cong TV at Kidlat matapos nilang ibahagi ang…
Tuloy-tuloy ang pagpapakitang-gilas ng resident chef ng Team Payaman na si Jaime Marino De Guzman,…
Matapos ang pasko, bagong taon naman ang sunod na ipinagdiwang ng pamilya Iligan-Velasquez sa loob…
Sa paglipat ng pamilya Iligan-Velasquez sa kanilang bagong tahanan, ibinahagi ng Team Payaman vlogger na…
Isang pasabog ang dala ni Zeinab Harake-Parks sa kaniyang recent YouTube vlog kung saan hinamon…
Mas dumoble ang saya at kakulitan sa ninth month milestone photoshoot ng magkapatid na Tokyo…
This website uses cookies.