Hindi lang pang content creation, pang kantahan din! ‘Yan ang muling pinatunayan ng vlogger at social media personality na si Kyo Quijano matapos ilabas ang kanyang latest single entitled, “Di Ko Rin Alam.”
Nitong Huwebes, February 1, 2024, ay pormal na ngang inilabas ni Kyo sa lahat ng music streaming platforms ang kanyang bagong pop song na talaga namang makaka-relate ang lahat.
Kilala si Kyo Quijano sa larangan ng content creation dahil sa kanyang entertainment, lifestyle, at travel vlogs. Patok na patok din sa netizens ang kanyang mga TikTok skits.
Pero hindi lingid sa kaalaman ng kanyang mga “Kyoties” na may itinatago ring talento sa pagkanta si Kyo. Taong 2020 nang ilabas nito ang kanyang unang kantang “Ipu-Ipo” na ginamit sa YouTube series na “Quaranthings.”
Isa rin si Kyo Quijano sa mga social media influencers na nakisaya sa una at ikalawang Team Payaman Fair.
Nang tanungin ng VIYLine Media Group (VMG) kung ano ang inspiration sa likod ng kanyang latest single: “Di ko rin alam, joke!” biro ng batikang YouTuber.
“The inspo of ‘Di Ko Rin Alam’ is that happy crush feeling. I think it’s a canon event para sa lahat lalo na nung nasa school tayo tapos may crush tayo na hanggang tingin lang tayo. I just want to reminisce that feeling,” paliwanag ni Kyo.
Ngayong 2024 ay plano rin daw ni Kyo na maglabas ng iba pang kanta at bukas din aniya siyang makipag collaborate sa ibang Filipino artist.
“Yes! Actually with anyone na babagay yung boses ko din. Anyone from the P-pop industry or another queer artist.”
Samantala, kaliwa’t-kanang suporta naman ang natanggap ni Kyo mula sa kanyang mga kaibigan at kapwa content creators gaya nina Luigi Pachecho, Concon Felix, Antonio Enriquez, at marami pang iba.
Mapapakinggan na ang “Di Ko Rin Alam” sa lahat ng online streaming platforms.
Road to clear skin naman ang sunod na isinagawa ni Pat Velasquez-Gaspar matapos maabot ang…
Valentine’s Day is just around the corner, and it’s the perfect time to score personalized…
Isa na namang feel-good vlog ang hatid ng Team Payaman cook na si Jaime Marino…
The Viyline Group of Companies (VGC) is officially ready for a huge 2026. In a…
Kamakailan, opisyal nang inilabas ng singer-songwriter at content creator na si Kevin Hermosada ang kanyang…
Isang masaya at hindi malilimutang Ocean Park Hong Kong experience ang hatid ni Pat Velasquez-Gaspar.…
This website uses cookies.