Matapos tanghaling kampeon sa Team Payaman Fitness Challenge, ibinahagi ni Steve Wijayawickrama ang mga istratehiyang tumulong sa kanya para manalo sa nasabing hamon.
Upang maibahagi ng mas detalyado ang kanyang fitness journey, minabuti ng Filipino-Sri Lankan vlogger na magkaroon ng “daily vlogs” sa kanyang YouTube channel.
Numero uno sa game plan ni Steve ang basahin ang librong “Art of War” bilang paghahanda sa pagsabak sa kanyang fitness journey.
Dito humugot ng aral at inspirasyon ang editor-turned-vlogger sa gagawing istratehiya para manalo sa nasabing hamon.
Isa sa mga naging taktika nito ay ang paniwalain ang mga kapwa kalahok sa Fitness Challenge na hindi siya pursigidong manalo.
Kaya naman imbes na mag ehersisyo sa Congpound Gym kasama ang ibang Team Payaman, minabuti nitong sa ibang gym gawin ang kaniyang fitness routines at kumuha ng sariling fitness coach.
“Sabi ko nga sa inyo isa ‘tong gera, and our plan to deceive is on,” ani Steve Wijayawickrama.
Sunod na naging istratehiya ni Steve ay ang pagkain ng tama sa tulong ng healthy meal provider na Chef on a Diet.
Bukod dito, nagkaroon din ng istriktong routine si Steve para sa sarili, kung saan gigising ito ng alas singko ng umaga para mag almusal, mag jogging, at mag gym.
Pero ang isa sa naging susi sa quality transformation ni Steve ay ang pag konsulta sa batikang online fitness coach sa bansa na si Coach Poypoy Paule.
Si Coach Popoy ang nagturo sa kanya na hindi nito kailangan tanggalin ang kanin sa kanyang diet para lang magbawas ng timbang. Hindi rin aniya nito kailangan mag workout buong araw para makamit ang inaasam na quality transformation.
“Ayon kay Coach Poypoy, hindi dapat natin gastusin yung lakas natin sa cardio. Kasi ako kailangan kong mag-gain ng muscle, hindi naman ako magfa-fat loss eh, ang ibu-burn ko lang na fat sa tiyan lang,” pagbabahagi ni Steve.
Watch Steve’s daily vlog series below:
Muling naghatid ng travel at food content ang Team Payaman vlogger na si Clouie Dims…
SM has been a big part of Filipinos’ everyday lives, from family weekend bondings to…
Isa ka ba sa mga mahilig sa oatmeal, yogurt, granola bars, at ilan pang masustansyang…
You didn’t see this coming, but for the love of the game, Team Payaman has…
Little Princess Tokyo Athena Velasquez is back and brighter than ever! Bilang pagpapatuloy sa tradisyon…
Patuloy na ipinapakita ng Team Payaman vlogger na si Aaron Macacua, a.k.a Burong, ang kanyang…
This website uses cookies.