Hinamon ni Team Payaman vlogger Aaron Macacua, a.k.a Burong, ang kanyang sarili sa isang 24-hour Blindfold Challenge, kung saan susubukan nito ang mamuhay ng wala ang paningin.
Ayon kay Burong, naisipan niyang gawin ito upang mabawasan ang pagbababad ng maraming oras sa cellphone.
Pero bago simulan ang hamon, nilinaw nito na layunin ng naturang hamon at vlog na maranasan ang pang araw-araw na pagsubok ng mga may kapansanan sa paningin at hindi para gawing katatawanan ang kanilang nararanasan.
Pinanindigan ni Burong ang nasabing hamon sa pamamagitan ng pagtuloy sa kanyang daily routine habang naka-piring ang mata.
Noong una ay hindi maiwasan pagkatuwaan ito ng mga kaibigan at mabangga sa paligid, kinailangan din ni Burong ang tulong ng mga tao sa paligid gaya ng kanyang fiance na si Aki Anggulo at mga kaibigan.
“Ang laking bagay na meron ako nung stick (tungkod), yun yung pinaka nakatulong sakin para ma-navigate ko saka para maramdaman ko kung safe ba yung nilalakaran ko,” ani Burong.
Samantala, tinawagan din ni Burong si Doc Alvin Francisco upang masiguro kung tama ang kanyang ginagawa at alamin kung may dapat ingatan sa pagtatapos ng hamon na hindi makaka-apekto sa kanyang paningin.
“Kapag tatanggalin mo na yung blindfold, ang advice ko magsimula ka doon sa madilim. ‘Wag mong bibiglain yung mata mo na titingin agad sa maliwanag,” ani ng doctor-vlogger na kaibigan ng Team Payaman.
Sa pagtatapos ng hamon, inamin ni Burong ang mga bagay na natutunan sa pagkawala ng kanyang paningin sa loob ng bente-kwatro oras.
“Natutunan ko na mas ma-appreciate yung mga senses na meron ako. Dahil sa araw-araw na pag-navigate ko ng buhay, mas na-realize ko yung importance nila na dapat hindi sila tine-take for granted,” ani Burong.
“Na-realize ko rin na maraming lugar na pwede nating i-improve para mas maging accomodating tayo sa mga taong visually impaired,” dagdag pa ito.
Samantala, pinuri naman ng netizens ang nasabing vlog at humanga sa mga natutunan ni Burong.
Watch the full vlog below:
Panibagong mga karakter ang hatid ng Team Payaman members na sina Boss Keng at Junnie…
"Strategic Planning is nothing without strategic vision." Guided by this principle, the Viyline Group…
Kamakailan, ibinahagi ng Team Payaman vlogger na si Viy Cortez-Velasquez ang kanyang bagong vlog, na…
Isang masaya at nakakabusog na mini foodtrip vlog ang hatid ng magkakapatid na Viy Cortez-Velasquez,…
The new year is the perfect time to refresh not just your routines, but your…
Ngayong taon lamang ay ibinahagi ng former Team Payaman editor na si Carlo Santos ang…
This website uses cookies.