Matapos ang 30-Day Fitness Challenge, muling nagbabalik loob sa pagmomotorsiklo ang ilang miyembro ng Team Payaman Moto Club gaya ni Michael Magnata, a.k.a Mentos.
Ipinasilip nito sa kanyang mga manonood ang bagong motorsiklo na kanyang gagamitin sa kanyang mga susunod na byahe kasama ang grupo!
Sa kanyang bagong vlog, ibinahagi ni Mentos ang ilan sa mga tagpo nang subukang imaneho ang bagong motorsiklo kasama ang ilang Team Payaman members.
Giyang na giyang na rin ang mga ito na masilip ang bagong motorsiklong ipinagmamalaki ni Mentos na kanyang pinangalanang “Matcha” dahil ng kulay nito.
“Si Matcha kasi minor pa. Tinesting ko muna bago ko ipinakilala sa inyo. Syempre pag may papakilala ka, itetesting mo muna!” paliwanag ni Mentos.
Bago pa man sumabak sa off-road ride, ibinahagi ni Mentos na minabuti niyang bumisita sa Watanabe Riding Development (WRD) at kay Coach Clyde ng MotoClyde upang magkaroon ng proper training at proper knowledge.
Ani Mentos, hindi niya pinalampas na subukan at kilalanin muna ang bagong motorsiklo upang maiwasan ang anumang aksidente na maaari nitong sapitin sa kalsada.
“Ang laking bagay nung training ng MotoClyde at ni [Coach] Dashi Watanabe. Ine-encourage ko ang lahat to take your training. Maglaan kayo ng time para makapag-training” dagdag pa nito.
Matapos ang puspusang training, ibinahagi na ni Mentos ang hitsura ng kanyang bagong Kawasaki Z H2.
Dumayo pa ng Caloocan ang Team Payaman vlogger upang mapalitan ang gulong ni Matcha para sa mas smooth at ligtas na byahe.
“Matcha [yung pangalan] kasi matcha-kit sa bulsa. Mahal!” biro pa ni Mentos.
Samantala, hindi naman naiwasan ng netizens na matuwa at mamangha sa bagong naipundar ni Mentos.
@ronellauzon8764: “Congrats sa bagong motor Kuys Mentos. Ride safe lagi vroom vroom!”
@unidentifiedunknown: “Top of the line ‘yang naked bike! The best na ‘yan Kuya Mentos!”
Watch the full vlog below:
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.