Matapos malaglag nina Carding Magsino at Kevin Hermosada sa 30-Day Fitness Challenge ng Team Payaman, tila may bagong miyembro na mapapasama sa listahan ng mga “eliminated” muna sa hamon.
Ano kaya ang kwento sa likod ng biglaang pagkatanggal ni Aaron Macacua, a.k.a Burong mula sa nasabing challenge?
Kamakailan lang ay naging kontrobersyal ang elimination para sa Fitness Challenge ni Cong TV sa Team Payaman. Ito ay matapos matanggal sa hamon sina Carding at Kevin sa kabila ng pagkakaroon ng pinakamataas na nabawas na timbang.
Paliwanag ni Cong TV, hindi “biggest loser” ang labanan kundi ang pagkakaroon ng quality transformation na hindi nagawa ng dalawa. Ayon sa 31-anyos na vlogger, tila nag crash diet kasi ang dalawa dahilan upang hindi maging kalidad ang kanilang transpormasyon sa kabila ng pagbabawas ng timbang.
Maluwag namang tinanggap ng dalawa ang kanilang kapalaran at nalinawan din ang netizens sa naging resulta ng elimination.
Matapos ang weigh in ay may pabirong mungkahi si Burong upang muling mabawasan ang mga kalakahok sa nasabing Fitness Challenge.
“Boss, gawan kaya natin ng plot twist yung content mo, boss?” ani Burong kay Cong TV.
“Tanggalan tayo boss, ganun (maiba taya) lang, isa lang matatanggal ngayong gabi,” dagdag pa nito.
Ang “maiba taya” ay kadalasang ginagawa ng mga kabataang Pinoy sa paglalaro kung saan ipinapakita ang kamay ng bawat isa nang nakaharap ang palad sa sahig. Sa hudyat ay muling ibabagsak ang kamay at kung sino ang maiba ang posisyon ng kamay ay matatanggal sa laban.
Dagdag pa ni Burong pwede rin aniya silang magbotohan kung sino ang tatanggalin sa hamon. Paliwanag ni Burong, magandang ideya ito upang mabawasan ang kanilang kalaban.
Pero sa gitna ng kwentuhan, tila bumalik kay Burong ang kanyang biro at pabirong binoto ng kanyang mga kasamahan para matanggal sa hamon.
“Biro-biro lang naman yon!” ani Burong.
“Walang biro-biro, walo na lang kami (sa challenge),” sagot naman ni Cong TV.
Ano kaya ang magiging desisyon sa posisyon ni Burong sa 30-Day Fitness Challenge ng Team Payaman?
Watch the full vlog below:
Naghatid ng aliw sa mga manonood ang Team Payaman dad na si Junnie Boy matapos…
Isang talentadong video editor mula sa Team Boss Madam ang ipinakilala ni Boss Keng sa…
Kamakailan lang, ibinahagi ng Team Payaman mom na si Vien Iligan-Velasquez ang isang family bonding…
Panibagong mga karakter ang hatid ng Team Payaman members na sina Boss Keng at Junnie…
"Strategic Planning is nothing without strategic vision." Guided by this principle, the Viyline Group…
Kamakailan, ibinahagi ng Team Payaman vlogger na si Viy Cortez-Velasquez ang kanyang bagong vlog, na…
This website uses cookies.