Clouie Dims, Pat Gaspar Walk Down Memory Lane With ‘Tamis ng 90s’ Sweet Treats

White Rabbit, Yakee, Mik-Mik. Natatandaan mo pa ba sila?

Ilan lang yan sa mga pagkaing nagbalik sa tamis ng alaala ng 90’s kina Team Payaman vlogger Pat Velasquez-Gaspar at Clouie Dims. 

Sa bagong YouTube vlog ni Clouie, tila nagbalik tanaw sa nakaraan ang magkaibigan habang nilalasap ang mga patok na candy na nauso noong kanilang kabataan. 

Tamis ng 90’s

Ibinida ni Clouie Dims sa kanyang vlog ang “Tamis ng 90’s,” ang bagong negosyo ng kapatid ni Viy Cortez na si Ivy Cortez-Ragos. 

Ang “Tamis ng 90’s” ay isang pakete na puno ng masasarap na candy na nauso noong 90’s na talaga namang magpapaalala sa bawat Batang 90’s ng kanilang kabataan. 

Kabilang sa mga candy na nilalaman nito ay ang White Rabbit, Mik-Mik, Yakee, Choc-Nut, Butter Ball, Stay Fresh, at marami pang iba. 

Sabay tinikman nina Pat at Clouie ang mga candy habang binabalikan ang kanilang masasayang alaala noong sila ay mga musmos pa lang. 

“Pag nakakakita ako ng ganito naaalala ko yung street namin, yung mga uhugin, mga laging nag ge-get get aw mala Sex Bomb!” ani Pat Velasquez-Gaspar.

Bukod sa masasarap na candy, binalikan din ng dalawa ang mga paborito nilang laro sa kalsada noong araw.

Mommy Pat Life Update

Kinumusta naman ni Clouie ang bagong panganak na si Pat na higit isang buwan nang ganap na ina kay Baby Isla Patriel. 

“Noong una mahirap talaga. Major adjustment talaga is yung tulog mo,” kwento ni Pat. 

“Yung sinasabi nilang ‘itulog mo na lahat ng itutulog mo dahil pagdating ni Isla boy, wala ka ng tulog.’ That’s so true!” dagdag pa nito. 

Sa kabila ng puyat at pagod ay na-eenjoy naman daw ni Mommy Pat ang pagiging ina. Masaya rin aniya ito na isang buwan na ang kanilang unico hijo ng asawang si Boss Keng. 

Samantala, kwento naman ni Clouie madalas nilang dinadalaw at kinukumusta si Pat dahil ramdam nila ang hirap ng pinagdadaanan ng kaibigang first-time mom.

Watch the full vlog below: