Naaalala n’yo pa ba ang resident home boy ng Payamansion 2 na si Kuya Inday? Kung oo ang sagot mo ay siguradong isa kang certified Team Payaman fan.
Hatid ngayon ng resident chef ng Team Payaman na si Kenneth Silva a.k.a, Chef Enn ang latest update sa kalagayan ni Kuya Inday.
Personal na binisita ni Chef Enn si Kuya Inday matapos nitong mapagdesisyunang umuwi sa Dumaguete.
Sa kanyang bagong vlog, sinama ni Chef ang kanyang mga manonood sa pagbisita kay Kuya Inday upang masaksihan ang tahimik at masayang buhay nito probinsya.
Ayon kay Chef Enn, susubukan nitong surpresahin si Kuya Inday sa kanyang pagdating. Laking tuwa naman ni Kuya Inday na may miyembro ng Team Payaman ang bumyahe upang makita s’ya.
“Iba talaga pag kaibigan mo talaga, hahanapin ka. Kahit saan pa ‘yan!” ani Kuya Inday.
Agad naman binida ni Kuya Inday ang kanyang bagong bahay na naipagawa sa tulong ni Cong TV.
Matatandaang ibinahagi rin ng VIYLine Media Group (VMG) ang istorya sa likod ng pagbalik ni Kuya Inday sa probinsya, kasabay ng pagkakaroon ng sariling bahay na regalo sa kanya ng 31-anyos na vlogger.
Bukod sa kwentuhang handog ni Kuya Inday, sinubukan din ng dalawa ang iba’t-ibang mga aktibidad upang masulit ni Chef Enn ang kanyang bakasyon sa Dumaguete.
Syempre, hindi mawawala ang foodtrip ala Chef Enn, kaya naman sinubukan nito ang lutong Tinola ni Kuya Inday na gawa sa native chicken.
Kinabukasan, nag-ikot ang dalawa sa ilang mga tourtist spot sa Dumaguete kabilang na ang malinis at malinaw na karagatan.
Magkasama silang nanghuli ng isda, namalengke, naglaro, nagluto, lumangoy, at nagmaneho ng motorsiklo upang maglibot sa probinsya.
“Napakasimple ng buhay dito, pre! Ganito tayo dati nung walang cellphone eh!” ani Chef Enn.
Muling namang inimbita ni Kuya Inday si Cong TV upang bisitahin ang kanilang lugar.
“Bossing punta ka dito, Bossing! Ang sabi ko sa’yo mag-ride tayo Bossing! Dadalhin kita kung saan mo gusto Bossing!” aniya.
Biro pa nito: “Walang masyadong tao samin, hindi tayo pagkakaguluhan dito!”
Tinapos nina Chef Enn at Kuya Inday ang kanilang Dumaguete adventure sa pamamagitan ng pagsilip sa Pulangbato Falls.
Watch the full vlog below:
Isang nakakakilig na surpresa ang handog ni Burong sa kaibigang si Dudut Lang bago manood…
Following the success of its last ‘Terry Collection’ release, Cong TV’s very own clothing line,…
Sa kanyang pinakabagong mini-vlog, ipinasilip ni Ate Ivy Tumbaga Cortez-Ragos ang naging pagbisita ng…
Whether you're heading to the pickleball court, squeezing in a quick workout, or simply embracing…
As more consumers look for convenient ways to prepare their daily cup of green tea,…
Isang kwelang Kitchen Wars serye episode ang hatid ni Viy Cortez-Velasquez kasama ang PBB Gen…
This website uses cookies.