Isa sa mga benepisyo ng pagkakaroon ng housemate na marunong magluto ay siguradong masarap ang pagkain sa bahay. Iyan ang napatunayan ng mga Team Payaman member na naninirahan sa Content Creator House sa Congpound.
Hatid kasi ngayon ng resident baker ng grupo na si Abigail Campañano-Hermosada ang pambansang almusal ng Pilipinas, pero ginawang merienda ng Team Payaman, ang pandesal.
Sa kanyang bagong vlog, isinama ni Abi ang kanyang mga manonood sa paggawa ng merienda para sa mga kasamahan sa Content Creator House.
“Tagal tagal ko na kasing nag-crave sa pandesal, gustong gusto ko na gumawa!” bungad nito.
Walang paligoy-ligoy na ibinahagi ni Abi ang mga sangkap sa paggawa ng pandesal mula sa harina, gatas, butter, instant dry yeast, itlog, tubig, at asukal.
Unang pinagsama-sama ni Abi ang mga sangkap saka hinalo ang mga ito gamit ang kanyang mixer hanggang sa magkaroon na ito ng hulma.
Pagtapos haluin sa mixer ay binuo na ni Abi ang masa ng tinapay at pansamantalang itinabi sa loob ng isang oras upang mas maging maayos ang tekstura nito.
Maya maya pa ay isa-isa nang minolde ni Abi ang mga pandesal. Hindi na aniya niya ito nilagyan ng flavoring upang ang mga kakain ay makapamili ng ipapalaman sa tinapay.
Bukod sa pandesal, nais din ni Abi na maghanda ng hot chocolate na swak sa malamig na panahon.
Imbes na instant hot chocolate ay nagtunaw si Abi ng tablea chocolate sa mainit na tubig. Ang nasabing tsokolate ay galing pa aniya sa Pangasinan kung saan binisita ni Abi ang kanyang mga kamag-anak.
“I think it’s a perfect combination para sa ating pandesal!” aniya.
Matapos magtimpla ng hot chocolate, isinalang na ni Abi ang mga pandesal sa loob ng 12-15 minutes na ikinasabik naman ng kanyang mga kasamahan sa bahay.
Nagkusa na rin si Dudut Lang na magprito ng itlog upang ipares sa mainit na pandesal na gawa ni Abi.
Dala ng pagkasabik, si Yow Andrada na ang kumuha ng pandesal mula sa kanilang oven upang matikman na kaagad ito.
“Parang gusto n’yong nagcocontent ako ah?” tanong ni Abi.
Sagot naman ni Carding: “Oo, tuloy mo lang ‘yang pagva-vlog!”
“Ano kasi tayo dito, grind season. Ang gusto namin makita, si Ate Abi araw-araw nagbe-bake!” biro naman ni Steve.
Tuwang tuwa ang TP housemates sa kanilang pangmalakasang meryenda hatid ng Tibabi’s Kitchen!
Watch the full vlog below:
Planning a trip to Baguio this week, but not sure what activities to try? Don’t…
Matapos gumawa ng chocolate cake para sa kanilang mga chikiting, muling nagharap aktres at singer…
Bukod sa pagiging aktres, dancer, at vlogger, isa rin ang pagiging hands-on mommy sa mga…
Trigger Warning: This article contains sensitive topics related to mental health that may trigger some…
Matapos ang matagal na pahinga sa pag-vlog, muling nagbabalik ang content creatorna si Jai Asuncion…
They say love comes when you least expect it—at the right time, with the right…
This website uses cookies.