Hatid ngayon ng Partidong Payaman ang panibagong listahan ng mga batas na naiisip nilang ipatupad kung sakaling sila ay maging kawani ng gobyerno.
Samahan ang Team Payaman Wild Dogs featuring Tier One Entertainment CEO Tryke Gutierrez para sa isang kwelang Payaman Insider Spotify podcast episode.
Sa pinakabagong episode ng Payaman Insider, ibinida nina Junnie Boy, Boss Keng, Burong, at Tryke Gutierrez ang ilan sa mga batas na nais nilang ipatupad sakaling magkaroon ng katungkulan sa gobyerno.
Unang pinag-usapan ng Partidong Payaman ang ilang mga batas na magsusulong sa sektor ng mga pagkain. Unang iminungkahi ni Burong ang pagkakaroon ng “Divide and Conquer Bill.”
“Ang gagawin ko, paghihiwalay-hiwalayin ko ‘yan. Lahat ng protina na pwedeng makuha ng isang tao ilalagay ko s’ya sa Davao. Davao na ang magiging ‘Protein Capital of the Philippines,’” ani Burong.
Pagdating naman sa gulay, ilalagay aniya niya ito sa matataas na gusali sa Cebu na kanyang tatawaging Vegetable Village.
Nais din ni Burong maging centalized ang pagkukuhanan ng mga pagkain upang maipairal ang pangangalakal sa loob ng bansa.
Sunod namang nagsalaysay ng plano si Boss Keng na naglalayong tapusin ang labis na pamimili o hoarding.
“Bawal na mag-hoarding, lahat ng pagkain. Ang supply lang ng [pagkaing] mabibili mo is depende sa calories na kailangan mo!” paliwanag ni Keng.
Nais din ni Boss Keng na masanay ang mga Pilipino na magtipid, iprayoridad ang kalusugan, at ibatay sa BMI (Body Mass Index) at calorie intake ang dami ng bibilhing pagkain.
Aniya, magkakaroon ng kaakibat na parusa at multa ang sinumang bibili ng labis na suplay ng pagkain.
“Magiging healthy lahat ng Pinoy at kahit anong gyera, kaya nating labanan!” ani Boss Keng.
Nais namang ipatupad ni Junnie Boy ang pagbibigay ng pantay-pantay na pagkukunan ng pagkain na kanilang sisimulan sa pamamahagi ng mga livestock, pananim, at mga processed food.
Isa aniya sa mga magiging epekto ng nasabing proyekto ay matututunan ng bawat Pilipino ang magpalago at magparami ng pagkain na maaaring ibahagi sa iba sa pamamagitan ng barter.
“‘Di na natin kailangan gumastos kasi lahat [ng tao] meron. Kaya nga foot for one, one for foot eh.” saad nito.
Hindi rin nagpahuli ang Tier One Entertainment big boss na si Tryke Gutierrez sa kanyang innovative food law.
“Para sa akin, kung kailangang may tulungan, kailangan may kaunting maargabyado. Lahat ng fast food sasabihin ko, ‘Wqag na kayo magbayad ng tax. Pero lahat ng meal, may libreng isang extra rice!’” bungad nito.
Ayon kay Tryke, layunin ng Plus 1 Bill na tanggalin na ang tax sa mga fast food chains kapalit ng isang libreng pagkain na kanyang tinawag na plus 1 upang mabawasan ang gastusin ng mga Pilipino.
“Pabor ‘yan sa mga bibili kasi bababa na yung preyso, may plus 1 pa!” dagdag ni Boss Keng.
Iginiit pa ni Tryke: “Wala ng magugutom kasi yung kanin mo, pwede pang dalawang meal!”
Listen to the full episode below:
Isang nakakatuwang balita ang hatid ng Team Payaman content creator na si Yow Andrada sa…
Matapos ang ilang buwang paghihintay, ibinahagi na ng content creator at actress na si Sachzna…
Isa na namang kakaibang lutuin ang hatid ni Jaime Marino de Guzman, a.k.a Dudut Lang,…
Muling kinagiliwan ng netizens ang Team Payaman mother-and-son duo na sina Mommy Viy Cortez-Velasquez…
Sa pinakabagong episode ng ‘Kags, Help,’ ipinakita ni Chino Liu, kung paano niya hinaharap ang…
Matapos ang kapana-panabik ngunit bitin na unang bahagi, nagbalik ang The Viyllage Show ng Team…
This website uses cookies.