Muling nagbabalik ang Team Payaman boys para sa isang makabuluhan at kwelang usapan sa Payaman Insider podcast sa Spotfiy.
Hatid ngayon nina Boss Keng, Burong, Junnie Boy, at Carding ang nakakatuwang kwentuhan tungkol sa negosyo o pakikipagpalitan ng produkto at serbisyo sa mga mamimili.
Sa nakalipas na episode ng Payaman Insider, itinampok ang mga produkto at serbisyong nais nilang iambag sa industriya ng mga hayop, gusali, at palakasan.
Sa pagpapatuloy ng kwentuhan, tinalakay naman nila ang iba pang industriya gaya ng sektor ng edukasyon.
“Anong serbisyo o produkto ang gusto mong ilabas sa sektor ng edukasyon?” ito tanong na bungad ni Burong sa kanyang mga kasamahan.
Dahil madalas na maiwanan o maiwala ng mga guro at mag-aaral ang panulat o ballpen, nakaisip si Boss Keng ng isang produktong tatapos sa problemang ito.
“Ang tawag sa produkto ko na ‘to ay pen-brella. Ang ballpen na ito ay pwede niyong gawing payong,” ani Boss Keng.
Ang penbrella diumano ay magaan at maaari ring gamitin upang maiwasan ang pangongopya tuwing may pagsusulit.
Kakaibang suhestiyon naman ang ibinigay ni Junnie Boy.
“Ito ay tatawagin kong bagdan. Kasi nung bata ako, yung over the bakod ko talagang talon-talon, eh!” paliwanag ni Junnie Boy na tila hindi nakumbinsi ang kanyang mga kaibigan.
“Ang target ko naman dito, yung mga kababayan nating Pilipino na kinapos sa height,” dagdag ni Junnie Boy.
Sunod na nagbigay ng ideya si Carding na magbibigay serbisyo na kada isang mag-aaral ay may nakatutok na isang guro.
“Gagawa ako ng eskwelahan na yung mga teacher kasing dami ng mga estudyante. Tutok yun par,” paglilinaw nito.
Huling nagbigay ng kakaibang ideya si Burong kung saan hindi na kakailanganin ng mga school bus o service.
“Yung school na gagawin ko, gagawa ako ng tunnel sa ilalim. Ang labas nun par, sa upuan na. Makikinig ka na lang,” paliwanag ni Burong.
“Kung claustrophobic ka, kami maghuhukay, may sizes lang,” dagdag pa nito.
Listen to the full episode below:
Step into the world of captivating fragrances with Ivy Cortez-Ragos as she explores Perfume House…
Hindi maitatanggi na malakas na impluwensya ng Viyline CEO and Founder na si Viy Cortez-Velasquez…
Masayang ipinagdiwang ng pamilya Cortez-Velasquez at ilan sa kanilang mga malalapit na kaibigan at mga…
To mark a stronger year ahead, Viyline Group of Companies announces its relocation to provide…
Matapos ang kanilang beach getaway, namasyal naman ang pamilya Velasquez-Gaspar sa Dinosaur Island sa Clark,…
It is truly an exciting year for the entire Cortez-Velasquez family as they continue to…
This website uses cookies.