Isang total makeover ang regalo ni Christian Exekiel Gaspar, a.k.a Boss Keng sa kanilang bagong katuwang sa bahay ng asawang si Pat Velasquez-Gaspar.
Sa kanyang bagong vlog, pinasilip ng Team Payaman vlogger ang naging “pamper session” ni Nanay Mercy na sagot syempre ng Glam Central Salon and Spa by Pat & Keng.
Bago isakatuparan ang kanyang pina-planong surpresa, nagpaalam muna si Boss Keng sa kanyang maybahay na si Pat Velasquez-Gaspar na ngayon ay apat na buwan nang ipinagbubuntis ang kanilang panganay.
Agad nitong inaya si Nanay Mercy at sinabing mamimili lang sila ng mga kailangan sa bahay. Ayon kay Keng, magdiriwang din ng kanyang ika-51 na kaarawan ang nasabing kasambahay.
Sinundo rin ni Boss Keng ang Store Supervisor ng Wagyuniku by Pat & Keng na si Lian, lingid sa kaalaman ng dalawa na isang surpresang makeover pala ang naghihintay sa kanila.
Pagdating sa Glam Central by Pat & Keng na matatagpuan sa Molino Cavite, inatasan nito ang mga staff na ibigay ang full makeover package kina Nanay Mercy at Lian.
“Si Nanay birthday ni nanay bukas. Si Lian magaling ‘to sa trabaho kaya alagaan nyo sila,” ani Keng.
Kabilang sa pinagawang serbisyo sa dalawa ay foot spa, manicure, pedicure, massage, eyelash extension, at hair makeover.
Samantala, matapos maghanap ng pwesto para sa bagong negosyo na “Burgeran” at maglaro ng basketball ay binalikan ni Boss Keng ang dalawa na talaga namang nag “Glow Up” at “Glamified” matapos ang kanilang “pamper session.”
“Masaya po, tanggal stress. So thank you, Boss Keng at Ma’am Pat sa pa-pamper!” pasasalamat ni Lian sa kanyang mga butihing boss.
“Singkwenta-y-uno anyos, nung pumunta sa Glam (Central) nabawasan ng bente anyos!” ani Boss Keng matapos makita ang makeover ni Nanay Mercy.
Pero hindi pa natapos ang sorpresa ni Boss Keng sa kanilang kasambahay. Dahil kaarawan din kinabukasan ni Nanay Mercy, naghanda si Keng ng munting salo-salo at birthday cake para dito.
Masaya namang sinalubong ng pagbati ng Boss-Madam household ang kanilang katuwang sa bahay at maagang ipinagdiwang ang kanyang kaarawan.
Watch the full vlog below:
Naghatid ng aliw sa mga manonood ang Team Payaman dad na si Junnie Boy matapos…
Isang talentadong video editor mula sa Team Boss Madam ang ipinakilala ni Boss Keng sa…
Kamakailan lang, ibinahagi ng Team Payaman mom na si Vien Iligan-Velasquez ang isang family bonding…
Panibagong mga karakter ang hatid ng Team Payaman members na sina Boss Keng at Junnie…
"Strategic Planning is nothing without strategic vision." Guided by this principle, the Viyline Group…
Kamakailan, ibinahagi ng Team Payaman vlogger na si Viy Cortez-Velasquez ang kanyang bagong vlog, na…
This website uses cookies.