Soon-to-be Parents Pat and Keng of Team Payaman Shares Precious Pregnancy Moment

Masayang ibinahagi ng mag-asawang Pat Velasquez-Gaspar at Christian Exekiel Gaspar, a.k.a Boss Keng, ang isang hindi malilimutang pagkakataon sa pagbubuntis sa kanilang panganay na anak.

Sa kanyang bagong vlog, ibinahagi ni Pat ang unang beses na narinig nilang mag-asawa ang tibok ng puso ng ipinagbubuntis niyang sanggol. 

Baby’s heartbeat

“So guys, titignan namin yung heartbeat ni baby kasi pwede na akong mag doppler,” panimula ni Pat. 

Sa pamamagitan ng isang Fetal Doppler Heart Monitor, narinig nga ng mag-asawa ang tibok ng puso ng kanilang panganay na ngayon ay higit apat na buwan nang pinagbubuntis ni Pat. 

“Ito yung first time na maririnig namin yung heartbeat ng baby namin kasi yung last ultrasound namin is bawal pa siya, so ito yung first time,” dagdag pa nito. 

Paliwanag ni Mrs. Gaspar, ang nasabing portable doppler ay bigay ng kanyang hipag at kapwa Team Payaman vlogger na si Vien Iligan-Velasquez, asawa ni Junnie Boy. 

“Hindi na ako bumili ng doppler kasi meron naman na siya. So, thank you, Vien, sa sponsor ng doppler,” ani Pat. 

“Ipapamana pa ‘to sa mga next na manganganak na Team Payaman girls,” biro pa nito. 

Hindi naman maiwasan na biruin ni Pat na animo’y takbo ng isang kabayo ang tibok ng puso ng sanggol, habang halos maiyak naman si Boss Keng sa kanyang narinig. 

Samantala, labis ang tuwa ng mag-asawa nang marinig ang heartbeat ng kanilang anak dahil noong una ay hindi pa aniya sila makapaniwala na nagdadalang tao na sila. 

“Sobrang happy kami ni Keng ngayon na nakikita na namin yung paglaki ng tiyan ko, naririnig namin yung heartbeat. Ilang months na lang makikita na namin siya.”

Inanunsyo rin ng dalawa na gaganapin ang gender reveal party ng kanilang anak kasabay ng kaarawan ni Pat sa Feb. 17 

Ayon kay Pat, gusto rin niyang maging memorable ang kaniyang nalalapit na kaarawan kaya isasabay na nila ang gender reveal ni baby.

Watch the full vlog below: