Sa isang pambihirang pagkakataon, inamin ni legendary YouTube content creator Cong TV kung bakit tila iwas siyang gumawa ng collaboration kasama ang mga kapwa vloggers.
Sa kanyang bagong vlog na pinamagatang “Dontiis,” ibinahagi ng 31-anyos na YouTuber ang kalbaryo na matagal na niyang iniinda pagdating sa kanyang kalusugan.
Ayon kay Lincoln Velasquez, isa sa matagal na niyang iniinda sa kanyang katawan ay ang pagsakit ng kanyang mga ipin.
Sa nasabing vlog, isinalaysay nito ang puno’t dulo ng kanyang problema.
“Tagal na ‘to (dental health problem), bago pa ko sumikat,” ani Cong TV.
Biro pa nito, tila nagtatampo na ang kanyang mga bulok na ipin matapos unahing bumili ng kotse, bahay, at lupa kaysa ipaayos ito.
Kwento pa ni Cong, higit dalawang taon na ng huli siyang bumisita sa dentista para ipatingin ang ipin, ngunit hindi pa rin doon natapos ang kanyang kalbaryo.
Samantala, inamin din ni Cong TV na isa ang kanyang dental health problem sa dahilan kung kaya tila umiiwas itong makipag collaborate sa ibang mga vlogger.
Aniya, nahihiya siya sa mga tao dahil baka hindi kaaya aya ang amoy ng kanyang hininga dulot ng mga bulok na ipin.
“Kaya ayokong nakikipag collab talaga. ‘Di ba niyaya ako ni Ninong Ry saka ni Wil Dasovich sa podcast, pass ako dyan!” biro ni Cong.
“Pag napabunot ko (ipin ko), game tayo!” dagdag pa nito.
Dahil sa patuloy na pagsakit ng kanyang mga ipin, nagpasya na si Cong TV na tuluyan nang ipabunot ito sa dentista.
Sa tulong ng Apostol Dental, naisakatuparan ang “oplan mabangong hininga” ng pinuno ng Team Payaman.
“No more bulok! Ha ha ha!” pagdiriwang ng nasabing vlogger.
Tatlong araw makalipas ang kanyang dental procedure, agad pinagyabang ni Cong TV ang kanyang “newly found self confidence.”
“So susubukan natin yung bago nating bunganga,” ani Cong.
Una nitong binati ang video editors na sina Ephraim Abarca at Carlo Santos na umaming napansin nilang nag-iba ang body language ni Cong TV matapos ang operasyon.
Pansin naman ni Boss Keng: “Ang bango ng hininga mo ah?”
“Ang fresh!” dagdag naman ni Carding.
Masaya namang ipinagdiwang ni Cong TV ang bagong kumpiyansa sa sarili.
“Yung tao na yun, that’s from the past. I’m a new man, iniwan ko na yun kasama ng bulok na ipin ko.”
Watch the full vlog below:
If your skincare shelf is crowded with too many bottles, it is time to simplify.…
Walang hanggang katatawanan ang hatid nina Viy Cortez-Velasquez, Rana Harake, Jelai Andres, at Sachzna Laparan…
Buong galak na ibinahagi ng bunsong kapatid ni Viy Cortez-Velasquez na si Yiv Cortez ang…
Pinahanga ng Team Payaman girls na sina Vien Iligan-Velasquez at Aki Angulo-Macacua ang kanilang mga…
Paalam na nga ba sa Team Payaman Motoclub? Ito ang katanungang iniwan ni Boss Keng…
Isang masayang collaboration vlog ang masayang pinagsamahan ni Euleen Castro o mas kilala bilang Yobab…
This website uses cookies.